A faaite ia vetahi ê i ta oe i haapii mai

E itoitohia tatou ia haapii tatou i te Bibilia. E rahi atu â râ to tatou itoito mai te peu e faaite tatou ia vetahi ê eaha ta tatou i haapii mai. Te na ô ra te Maseli 11:25: “Te taata atoa e horoa i te pape na vetahi ê, e horoa-atoa-hia mai ta ˈna pape.”

Rahi atu â tatou i te faaite ia vetahi ê i ta tatou i haapii mai, ohie noa ïa tatou i te haamanaˈo i te reira. Hau atu, e taa ˈtu â ia tatou tera mau manaˈo. Inaha e faufaahia vetahi ê i ta tatou i haapii mai, e oaoa noa ïa tatou i te faaite i ta tatou mau poe pae varua.—Ohi. 20:35.

A tamata na: I to muri nei hebedoma, a imi i te ravea no te faaite i te hoê taata eaha ta oe i apo mai i roto i ta oe iho haapiiraa. E paraparau paha oe i te hoê mero o to oe utuafare, i te tahi taeae aore ra tuahine o te amuiraa, i te hoê hoa ohipa aore ra hoa haapiiraa, i te taata e ora ra i pihai iho i to oe fare, aore ra i te tahi taata ta oe e farerei i roto i te pororaa. A tamata i te faataa ohie noa i te reira e na roto i ta oe mau parau.

A haamanaˈo: A faaite ia vetahi ê eaha ta oe i apo mai no te faaitoito ia ratou, eiaha râ no te faatietie ia oe.—Kor. 1, 8:1.