A huti mai i te haapiiraa i te mau hohoˈa

Mea rahi te hohoˈa i roto i ta tatou mau papai, o te horoa mai i te mau haapiiraa faufaa. E nafea oe e faufaahia ˈi i teie mau hohoˈa?

• A hiˈo na mua i te reira hou a taio ai i te tumu parau. E nehenehe te reira e faaara i to oe hinaaro e taio i taua tumu parau ra. Mai tera hoi ia ite oe i te hoê maa mea au roa na oe, e hiaai iho â oe e amu. No reira, a ui na mua: ‘Eaha ta ˈu e ite ra i nia i tera mau hohoˈa?’—Am. 7:7, 8.

• A taio ai i te tumu parau, a feruri no te aha i maitihia ˈi tera mau hohoˈa. A taio i te mau faataaraa o te mau hohoˈa. A feruri eaha te tuatiraa o te reira e te tumu parau, oia atoa e nafea ia faaohipa i te mau haapiiraa ta tera mau hohoˈa e horoa ra.

• Ia oti ta oe taioraa, a hiˈo faahou i te mau hohoˈa ia mau ia oe te mau manaˈo faufaa o te tumu parau. I muri iho, a tapiri i to oe mata e a tamata i te haamanaˈo i taua mau hohoˈa ra e te mau haapiiraa e huti mai.

• E nehenehe oe e hiˈo faahou i te mau hohoˈa o teie vea, a hiˈo atu ai ua mau anei ia oe te mau manaˈo faufaa o te reira.