Imi i te mau poe pae varua ta oe e nehenehe e faaohipa

A taio ai i te Bibilia, e nehenehe tatou e imi i te mau poe pae varua ma te faahohonu atu â i ta tatou mau maimiraa. E nafea râ tatou e faufaahia ˈtu â ˈi?

A feruri i te mau tuhaa rii o te mau aamu Bibilia. Ei hiˈoraa, o vai te taata papai, no vai ma e eaha te taime i papaihia ˈi te reira. Eaha te tupuraa i taua taime ra, eaha tei tupu na mua ˈ ˈe e i muri aˈe?

A hiˈo eaha te haapiiraa ma te pahono i teie mau uiraa: ‘Eaha te huru aau o te feia i roto i te aamu? Eaha te mau huru maitatai ta ratou i faatupu? Eaha te faufaaraa ia faatupu i taua mau huru maitatai e ia haapae i te haerea ino?’

A faaohipa i ta oe i haapii i roto anei i te taviniraa aore ra ia amuimui oe ia vetahi ê. Ma te na reira, e noaa ïa ia oe te paari, mai ta te Bibilia e parau ra: “E hiˈopoa te taata paari i teie mau mea.”—Sal. 107:43.

• Manaˈo tauturu: A tapao na e nafea te tuhaa “Taoˈa rau Bibilia” hiˈopoahia i te putuputuraa hebedoma e tauturu ai ia tatou ia ite e nafea ia faaohipa i ta tatou i haapii. I roto i teie tuhaa, te vai ra te tahi mau uiraa ta tatou e nehenehe e ui ia tatou iho, te mau manaˈo haaferuri e te mau hohoˈa ta tatou e nehenehe e hiˈopoa.