Ia maitai atu â ta tatou haapiiraa

E nafea ia imi i te mau faatanoraa apî?

Auê te faahiahia e te ora nei tatou i te taime e faaite mǎrû ai Iehova i te auraa o tera e tera tupuraa i roto i te Bibilia a haere noa ˈi te ite mau i te rahiraa. (Dan. 12:4) Noa ˈtu râ, mea fifi paha no tatou ia pee i te faatanoraa no nia i te mau haamaramaramaraa itehia mai i roto i te pue parau mau Bibilia. Ihea e itehia ˈi tera mau faatanoraa e haamaramaramaraa apî?

• I roto i te Index des publications des Témoins de Jéhovah, i te upoo parau “Éclaircissements doctrinaux” e itehia te tapura o te mau faatanoraa atoa ia au i te matahiti i matara mai ai te reira. No te tahi atu mau tumu parau, a patapata “Éclaircissement doctrinal” (a tuu atoa i te tapao tipee) i roto i te reni maimiraa o te VAIRAA PAPAI NATIRARA Watchtower.

• E rave rahi tumu parau te ite-atoa-hia i roto i te buka Maimiraa Bibilia no te mau Ite no Iehova. A haere i nia “Ite no Iehova,” e “Manaˈo e tiaturiraa,” e i muri mai “Faataaraa o ta tatou mau tiaturiraa.”

A rave ai i ta oe iho haapiiraa Bibilia, e nehenehe oe e hiˈopoa i te hoê faatanoraa apî e e rave i te maimiraa no nia i te mau haamaramaramaraa apî e no te aha i titauhia ˈi te tahi faatanoraa.