ORARAA KERISETIANO
Te faaora nei Iehova i te feia aau oto
Pauroa tatou te oto i te tahi taime, e ere râ i te auraa e ua paruparuhia tatou i te pae varua. E oto atoa Iehova i te tahi taime. (Ge 6:5, 6) E nafea râ ia teimaha roa te oto aore ra ia pinepine noa tatou i te oto?
E taparu anaˈe ia Iehova i te tauturu. Mea haapao roa na Iehova to tatou maitai i te pae feruriraa e huru aau. E ite o ˈna ia oaoa e ia oto tatou. Ua taa atoa ia ˈna no te aha mai tera ˈi to tatou huru. (Sl 7:9b) Te mea faufaa roa ˈtu â, te tâuˈa mau ra Iehova ia tatou e e nehenehe ta ˈna e tauturu mai ia oto aore ra ia hepohepo tatou.—Sl 34:18.
E paruru anaˈe i to tatou feruriraa e huru aau. Ia toaruaru tatou, eita noa tatou e ere i to tatou oaoa, e nehenehe atoa râ te reira e haafifi i to tatou auhoaraa e o Iehova. No reira, mea faufaa ia paruru i to tatou aau, oia hoi to tatou huru o roto.—Mas 4:23.
A MATAITAI I TE VIDEO TE FANAˈO NEI TO TATOU MAU TAEAE I TE HAU NOA ˈTU TE AHOAHO E A PAHONO I TEIE MAU UIRAA:
Eaha te mau ravea tei tauturu ia Nikki ia faaoromai i te ahoaho?
No te aha Nikki i manaˈo ai e tia ia ˈna ia haere e hiˈo i te taote?—Mt 9:12
Mea nafea to Nikki turuiraa i nia ia Iehova?