ORARAA KERISETIANO
Te rohi nei ratou no te tavini ia tatou
Mea rahi te mau haapaeraa ta te mau tiaau haaati e ta ratou mau vahine e rave ra no te faaite i to ratou here i te mau taeae e tuahine. Mai ia tatou, e rohirohi, e toaruaru e e ahoaho atoa ratou i te tahi taime. (Iak 5:17) Noa ˈtu râ, i te mau hebedoma atoa e tiatonu noa ratou i nia i te faufaaraa ia faaitoito i te mau taeae e tuahine o te amuiraa ta ratou e tere atu. Papu, mea tano “ia faatura-rahi-hia” ratou.—Ti1 5:17.
I to te aposetolo Paulo faaineineraa i te haere e farerei i to Roma “no te horoa ˈtu i te tahi mau ô pae varua,” ua hinaaro atoa o ˈna ia faaitoito ratou ia ˈna. (Ro 1:11, 12) Ua feruri aˈena anei outou e nafea outou e nehenehe ai e faaitoito i te tiaau haaati e ta ˈna vahine, mai te peu ua faaipoipohia oia?
A MATAITAI I TE VIDEO TE ORARAA O TE HOÊ TIAAU HAAATI I TE MATAEINAA E A PAHONO I TEIE MAU UIRAA:
E nafea te mau tiaau haaati e ta ratou mau vahine e faaite ai i to ratou here i te amuiraa?
Mea nafea ratou i te faaitoitoraa ia oe?
E nafea tatou e nehenehe ai e faaitoito ia ratou?