“Eita te here e oaoa i te parau-tia ore”

Na te here e aratai i te mau Kerisetiano mau i roto i te mau mea atoa ta ratou e rave. “Eita te here e oaoa i te parau-tia ore.” (Ko1 13:4, 6) E haapae roa ïa tatou i te mau faaanaanataeraa o te faahanahana ra i te mau peu tia ore e te haavîraa uˈana. Hau atu, eita tatou e oaoa ia tupu te ati i nia ia vetahi ê, oia atoa te feia tei haamauiui ia tatou.​—Mas 17:5.

A MATAITAI I TE VIDEO A HAAMANAˈO E NAFEA IA FAAITE I TE HERE: MA TE ORE E OAOA I TE PARAU-TIA ORE E A PAHONO I TEIE MAU UIRAA:

• Eaha te huru o Davida i to ˈna iteraa e ua pohe Saula e Ionatana?

• Eaha te himene otoraa ta Davida i papai na Saula raua Ionatana?

• No te aha aita Davida i oaoa i te poheraa Saula?