Ia aravihi atu â i roto i te taviniraa: Te pororaa na roto i te niuniu paraparau

NO TE AHA E MEA FAUFAA? E ravea faufaa te pororaa na roto i te niuniu paraparau no te “faataa maitai i te parau apî oaoa.” (Ohi 20:24)a E tauturu mai te reira ia poro i te taata mai te peu e eita e nehenehe e farerei roa ˈtu ia ˈna i to ˈna fare.

NAFEA ÏA?

• 

  A faaineine. A maiti i te hoê tumu parau tano. I muri iho, a papai i ta oe e hinaaro e parau. Eaha te rave mai te peu aita te taata e pahono mai? E nehenehe atoa oe e faaineine i te hoê poroi poto no te faaite no te aha oe e taniuniu ai i te taata. E vaiiho atu oe i taua poroi ra i nia i te matini pahonoraa niuniu paraparau. Mea maitai ia parahi e ia tuu i nia i te hoê airaa maa i ta oe i papai e i te tahi atu mau mauhaa, mai te JW Library^® aore ra te jw.org^®

• 

  A faaite i te huru au noa. A paraparau mai ta oe e rave i te mau mahana atoa. A faaite i te mata ataata e a faaohipa i te mau aparaa rima mai te huru ra e te hiˈo ra te taata ia oe. I te roaraa o te aparauraa, eiaha e faafaaea hanoa. Mea maitai atoa ia ohipa amui e te tahi atu. Mai te peu e te ui ra te taata i te hoê uiraa, a faahiti faahou i te reira ma te reo puai. E nehenehe ïa te taata poro e apiti mai e o oe, e faaroo i te reira e e tauturu ia oe ia ite i te pahonoraa

• 

  A faaineine i te taata no te taniuniu faahou ia ˈna. Ia anaanatae te taata, e nehenehe oe e tuu i te hoê uiraa ta oe e pahono atu i te taime e taniuniu faahou oe ia ˈna. E nehenehe atoa oe e parau ia ˈna e e hapono atu oe i te hoê papai na roto i te rata uira, aore ra e afai roa ˈtu i te reira i to ˈna fare aore ra na roto i te fare rata. E nehenehe atoa oe e hapono na roto i te niuniu afaifai aore ra te rata uira, te faahororaa no te rave i te mau video aore ra te mau papai