Eiaha e haaparare i te mau parau haavare

I teie mahana, mea vitiviti te mau parau apî i te parare na te ao nei maoti te mau vea, te radio, te afata teata e te natirara. Eita te feia o te haamori ra i te “Atua parau mau” e hinaaro e haaparare i te mau parau haavare, noa ˈtu e e ere i te mea opuahia. (Sl 31:5; Ex 23:1) E nehenehe te mau parau haavare tei haapararehia e haamauiui rahi. No te haapapu e mea mau anei te hoê parau, a ani ia oe iho:

• ‘Nohea mai tera parau?’ Peneiaˈe aita te taata o te faahiti i te aamu e ite i te mau tupuraa atoa. Ia haapararehia te aamu, mea papu e e taui iho â te reira. Ia vai ara ïa oe mai te peu e aita oe e ite nohea mai tera aamu. E titauhia i te mau taeae e hopoia ta ratou i roto i te amuiraa, ia vai ara eiaha e haaparare i te mau parau aita e niu papu. E mea faufaa ia na reira ratou no te mea e mau taeae tiaturihia ratou e te amuiraa

• ‘No te tuino anei i te roo?’ Mai te peu e e tuino te tahi parau i te roo o te tahi taata aore ra pǔpǔ, eiaha e hopoi i te reira.—Mas 18:8; Php 4:8

• ‘Mea mau anei tera aamu?’ A haapao maitai a faaroo ai oe i te mau aamu aore ra tupuraa faahiahia roa

A MATAITAI NA I TE VIDEO EIAHA E HOPOI HAERE I TE PARAU! E A PAHONO NA I TO MURI NEI MAU UIRAA:

• 

  Ia au i te Maseli 12:18, nafea te mau parau e nehenehe ai e haamauiui?

• 

  Nafea te Philipi 2:4 e tauturu ai ia tatou ia feruri maitai hou a paraparau ai no nia ia vetahi ê?

• 

  Eaha te rave ia haamata vetahi ê i te faaino aore ra i te faahiti i te mau parau tano ore?

• 

  Hou tatou a haamata ˈi i te paraparau no nia ia vetahi ê, eaha te mea maitai ia uiui ia tatou iho?