E maraa iho â ia oe ia poro e ia haapii atu!

Na mua roa, ua manaˈo Mose e eita e maraa ia ˈna te hopoia ta Iehova i horoa ia ˈna. (Ex 4:10, 13) Mai tera atoa anei to oe manaˈo? Te haapii ra anei oe i te Bibilia e te mau Ite no Iehova? E manaˈo paha oe: ‘E maraa anei ia ˈu ia poro i tera e tera fare?’ Peneiaˈe e taata apî oe o te mǎtaˈu ra i te faaite i to oe faaroo i te fare haapiiraa. E mǎtaˈu anei oe i te apiti i te pororaa maoti i te niuniu paraparau aore ra na roto i te tahi atu tuhaa o te pororaa i te vahi taata? A ani ia Iehova na roto i te pure i te puai o to ˈna varua moˈa. (Pe1 4:11) A tiaturi papu e e tauturu iho â Iehova ia oe ia amo i te hopoia ta ˈna i horoa mai.—Ex 4:11, 12.

A MATAITAI NA I TE VIDEO A FAAITE I TE ITOITO . . . EI TAATA PORO, E A PAHONO NA I TO MURI NEI MAU UIRAA:

• Eaha te fifi ta te tuahine Aoyama i faaruru?

• Eaha tei tauturu ia ˈna ia puai e ia itoito mai?—Ier 20:7-9

• Nafea o ˈna i faufaahia ˈi a tavini atu â ˈi ia Iehova?

• E tauturu Iehova ia oe ia upootia i nia i teihea mau fifi i roto i te taviniraa?