“A faarue i te mau atua ěê”

Noa ˈtu aita â Iehova i horoa i te hoê ture no te opani i te haamoriraa idolo, ua ite Iakoba e mea tia ia haamori ia Iehova anaˈe. (Ex 20:3-5) I muri aˈe i to Iehova parauraa ia Iakoba ia hoˈi i Betela, ua faaue Iakoba i te mau taata ia ˈna ra ia faarue i ta ratou mau idolo. Ua faarue atura Iakoba i te mau idolo, oia atoa te mau tapea tariˈa tei oomohia paha ei taritoa. (Ge 35:1-4) Mea papu, ua oaoa Iehova i ta Iakoba i rave.

I teie mahana, nafea ia haamori ia Iehova anaˈe? Na mua roa, ma te ape i tei taaihia i te haamoriraa idolo aore ra te ohipa tahutahu. Ma te faarue i te mau taoˈa atoa taaihia i te peu tahutahu e ma te hiˈopoa maitai i ta tatou mau faaanaanataeraa. Ei hiˈoraa, a ui: “Mea au anei na ˈu te mau buka e hohoˈa teata no nia i te mau aiharu, te tupapau e te ohipa manamana? I roto i ta ˈu mau faaanaanataeraa, faarirohia anei te ohipa manamana e pifao ei mea ino ore?” Eiaha e piri noa ˈtu i tera mau mea atoa ta Iehova e riri ra.—Sal 97:10.

A MATAITAI I TE VIDEO ‘A PATOI I TE DIABOLO’ E A PAHONO I TEIE MAU UIRAA:

• 

  Eaha te fifi faaruruhia e te hoê piahi o Palesa te iˈoa?

• 

  No te aha e faaotiraa î i te paari ia ani i te tauturu a te mau matahiapo ia faaruru oe aore ra te tahi atu taata i te hoê fifi taaihia i te peu tahutahu?

• 

  Ia hinaaro tatou i ta Iehova parururaa, e titauhia ia faarue roa i teihea mau mea?

• Eaha ta Palesa i rave oioi?

• I to oe fenua, eaha te mau ravea no te ore e topa i roto i te mau ohipa taaihia i te mau demoni?