Ia aravihi atu â i roto i te taviniraa: Te pororaa i te matapo

NO TE AHA E MEA FAUFAA ˈI? No te rahiraa o te matapo, e ere i te mea ohie ia paraparau e te mau taata ta ratou i ore i matau. E titauhia ïa te mau tutavaraa taa ê no te poro atu. Te faaite ra Iehova i to ˈna here ia ratou. (Le 19:14) E pee anaˈe ïa i to ˈna hiˈoraa ma te tauturu roa ˈtu i teie mau taata ia riro ei hoa no Iehova.

NAFEA ÏA?

• “A imi” i te matapo. (Mt 10:11) Ua matau anei oe i te tahi taata e fetii matapo to ˈna? Te vai ra anei i roto i ta oe tuhaa fenua te fare haapiiraa, te fare ruau aore ra te tahi atu mau pu o te hinaaro i te mau papai na te matapo?

• A tâuˈa atu ma te aau tae. Ia faaite oe i te huru auhoa e ia tâuˈa atu oe ma te aau tae, e tauturu oe i te matapo ia paraparau ohie ia oe. A tamata i te omua i te tauaparauraa ma te faahiti i te hoê ohipa tei tupu

• A tauturu atu i te pae varua. No te tauturu i te matapo e te feia ua mohimohi te mata, ua faaineine te faanahonahoraa i te mau papai i nia i te papie aore ra i nia i te mau matini roro uira. Mea au aˈe na ratou te aha? No te ite, a ani roa ˈtu. E titauhia ia haapapu te tiaau no te taviniraa e ua faaî te taeae o te haapao ra i te mau papai i te aniraa no te huru papai hinaarohia e te taata matapo