“Eita ïa tatou e tuu”

4:16-18

A feruri na: Te ora nei na utuafare e piti i roto i te hoê fare tahua rau tahito roa e te ino mau. Papu maitai, mea hepohepo roa hoê utuafare. Te tahi atu râ, mea oaoa. No te aha? No te mea te ite nei te piti o te utuafare e fatata ratou i te haere e faaea i roto i te hoê fare apî nehenehe mau.

Noa ˈtu e “te autâ amui nei te mau mea atoa i poietehia e te mauiui ra ratou paatoa e tae roa mai i teie nei,” e tiaturiraa to te mau tavini a te Atua. E faaitoito te reira ia ratou. (Ro 8:22) Te faaruru nei tatou i te mau fifi, peneiaˈe tau ahuru matahiti i te maoro. Tera râ, “e mea poto e te mâmâ” taua mau fifi ra ia faaauhia i te ora mure ore ta tatou e fanaˈo i roto i te ao apî a te Atua. E nehenehe tatou e oaoa ma te tiatonu i nia i te mau haamaitairaa a muri aˈe ta te Faatereraa arii e faatupu mai. Maoti te reira, eita ïa tatou e tuu.