Na te here e faaite o vai mau na te mau Kerisetiano mau: Ia vai noa te auhoêraa

NO TE AHA E MEA FAUFAA ˈI? I te po hou a pohe ai Iesu, ua pure oia “ia tahoê roa” ta ˈna mau pǐpǐ. (Ioa 17:23, nota i raro aˈe i te api) Ia vai noa te auhoêraa, e mea tia ia faaite i te here o te ore “e tapea i te ino.”—Ko1 13:5.

NAFEA ÏA?

• A pee i to Iehova hiˈoraa ma te imi i te mau huru maitatai o vetahi ê

• A faaore ohie i te hapa

• I muri aˈe i te faaafaroraa i te tahi fifi, eiaha e paraparau faahou no nia i te reira.—Mas 17:9

A MATAITAI NA I TE VIDEO “IA AROHA OUTOU IA OUTOU IHO”: EIAHA E INOINO E A PAHONO NA I TO MURI NEI MAU UIRAA:

• I te tuhaa matamua o te video, e nafea o Helen i faaite ai e ua ‘tapea oia i te ino’?

• I te tuhaa piti o te video, e nafea Helen i upootia ˈi i nia i to ˈna mau manaˈo ino e i faatupu ai i te hoê huru feruriraa maitai?

• I te pae hopea, e nafea Helen i ohipa ˈi no te auhoêraa o te amuiraa?