Ia aravihi atu â i roto i te taviniraa: No te hoê farerei-faahou-raa

NO TE AHA E MEA FAUFAA ˈI? E rave rahi taata o te anaanatae ra i te poroi o te Faatereraa arii te imi ra i te parau mau no nia i te Atua. (Isa 55:6) No te haapii riirii ia ratou, mea titauhia ia haere tamau tatou e farerei ia ratou. Te faaruru ra te taata e rave rau fifi, e faatano ïa tatou i te huru tatou e faatupu ai i to ratou anaanatae. Tera râ, e aravihi atu â tatou ia faaineine maitai tatou e ia haamau tatou i te hoê fa i te farerei-faahou-raa tataitahi, no te haamata i te hoê haapiiraa Bibilia i muri aˈe.

NAFEA ÏA?

• E tamata tatou i te hoˈi oioi atu e farerei ia ratou, peneiaˈe tau mahana i muri aˈe.—Mt 13:19

• A haa mai te hoê hoa i nia ia ˈna e a faatura ˈtu

• A haamata ma te aroha maitai atu. A faahiti i to ˈna iˈoa. A haamanaˈo atu ia ˈna no te aha oe i hoˈi mai ai e hiˈo ia ˈna, peneiaˈe no te pahono i te hoê uiraa, no te afai mai i te vea apî, no te faaite ia ˈna i ta tatou reni Internet, no te faaite i te hoê video aore ra no te faaite e nafea e faaterehia ˈi te hoê haapiiraa Bibilia. A faatano i ta oe e parau mai te peu e faaite mai oia i te anaanatae no te tahi atu tumu parau.—Php 2:4

• A pîpî i te huero o te parau mau i roto i to ˈna aau ma te faaite atu i te hoê manaˈo Bibilia e peneiaˈe ma te vaiiho atu i te hoê papai. (Ko1 3:6) A tamata i te faatupu i te hoê auhoaraa e o ˈna

• A faaineine i te taata no to muri mai farerei-faahou-raa