A tauturu i to utuafare ia haamanaˈo ia Iehova

Ua faauehia Ieremia ia haere e faaara i te ati Iuda e te tae mai ra te hoê haamouraa. Aita hoi ratou i haamanaˈo i to ratou Atua, ia Iehova. (Ier 13:25) Mea nafea te nunaa i tae ai i tera faito? Ua ere te mau utuafare Iseraela i to ratou ea maitai i te pae varua. Aita te mau upoo utuafare i pee faahou i ta Iehova aratairaa tei papaihia i roto i te Deuteronomi 6:5-7.

E riro te mau utuafare puai i te pae varua ei turu no te mau amuiraa i teie mahana. E nehenehe te mau upoo utuafare e tauturu i to ratou utuafare ia haamanaˈo ia Iehova na roto i te hoê haamoriraa utuafare tamau e faufaahia ˈi te taatoaraa. (Sal 22:27) I muri aˈe i to outou mataitairaa i te video “Teie nei mau parau . . . , ei roto i to aau e vai ai”: Uiuiraa i te mau utuafare, a pahono i teie mau uiraa:

• Eaha te mau fifi farereihia e te mau utuafare? E ua aha ratou ia ore ta ratou haamoriraa utuafare ia fifihia?

• Eaha te tahi mau haamaitairaa e itehia ia faatupu-tamau-hia te hoê haamoriraa utuafare e faufaahia ˈi te taatoaraa?

• Eaha te mau fifi ta ˈu e farerei nei no te haamoriraa utuafare? Eaha ta ˈu e nehenehe e rave no te haamaitai i te reira?