A faaohipa i te mau papai Bibilia ma te paari

Ua haapii Iesu: “I horoa-noa-hia mai ta outou, e horoa noa hoi outou.” (Mt 10:8) E pee maite tatou i teie faaueraa ma te ore e faaaufau i te taata te Bibilia e te mau papai niuhia i nia i te Bibilia. (Ko2 2:17) I roto râ i teie mau papai, te vai ra te pue parau mau faufaa roa no roto mai i te Parau a te Atua. E titauhia te moni e te tutavaraa rahi no te nenei e no te hapono i te reira i te mau amuiraa na te ao atoa nei. Eiaha ïa tatou e rave hau atu i tei hinaaro-mau-hia e tatou.

A faaohipa i te haroaroa ia horoa tatou i te mau papai na te taata, i roto atoa i te pororaa i te vahi taata. (Mt 7:6) Eiaha tatou e toro noa ˈtu i te mau papai i te feia e hahaere ra. A tutava no te tauaparau ia ratou, no te ite i to ratou anaanatae. E nehenehe anei oe e pahono “e” i te mau uiraa i pihai iho mai? Mai te peu e mea fifi ia ite e te anaanatae mai ra te taata, a vaiiho noa ˈtu ïa i te hoê api parau. Papu maitai, ia ani mai oia i te hoê vea aore ra te tahi atu papai, e oaoa roa ïa tatou i te horoa ˈtu.—Mas 3:27, 28.