E tupu iho â te tia-faahou-raa maoti te hoo

E taime maitai mau te Oroa haamanaˈoraa no tatou no te feruri i nia i te mau haamaitairaa o te tupu a muri aˈe maoti te hoo, mai te tia-faahou-raa. Aita Iehova i opua ia pohe te taata. No reira, o te oto i te poheraa o tei herehia te huru aau mauiui roa ˈˈe ta tatou i ite aˈenei. (Ko1 15:26) Ua mauiui Iesu i te iteraa i te oto o ta ˈna mau pǐpǐ i te poheraa o Lazaro. (Ioa 11:33-35) Ua pee Iesu i te hiˈoraa o to ˈna Metua ma te tia roa. Papu ïa e e mauiui atoa Iehova ia oto tatou i te poheraa o tei herehia. (Ioa 14:7) Te tiai ru nei Iehova i te taime e faatia faahou mai oia i ta ˈna mau tavini mai te pohe mai. E tiai ru atoa tatou i te reira.—Iob 14:14, 15.

Inaha e Atua naho hoi o Iehova, e nehenehe tatou e tiaturi e e tupu iho â te tia-faahou-raa ma te nahonaho. (Ko1 14:33, 40) Eita e hunaraa faahou. E taime fariiraa noa râ i te feia tei tia faahou mai. Te feruriruri ra anei oe i nia i te tia-faahou-raa, i te taime otoraa iho â râ? (Ko2 4:17, 18) Te haamauruuru ra anei oe ia Iehova no te horoaraa i te hoo e no te faaiteraa mai maoti te Bibilia e e ora faahou mai tei pohe?—Kol 3:15.

• O vai i rotopu i to oe mau hoa aore ra fetii ta oe e hinaaro iho â e ite faahou mai i te tia-faahou-raa?

• O vai te taata faahitihia i roto i te Bibilia ta oe e hinaaro iho â e farerei aore ra e paraparau atu?