A farii maitai i te feia ta tatou e titau manihini

I te 23 no Mati, 12 mirioni aore ra hau atu taata ta tatou i titau manihini te tae mai i te Oroa haamanaˈoraa. E fanaˈo ratou i te hoê oreroraa parau o te faaite eaha teie ô no ǒ mai ia Iehova, oia hoi te hoo, e eaha te tahi mau haamaitairaa a muri aˈe ta te huitaata e fanaˈo na roto i te reira. (Isa 11:6-9; 35:5, 6; 65:21-23; Ioa 3:16) Auê ïa te tahi faaitoitoraa faahiahia mau no ratou! E ere râ te taata orero anaˈe te horoa i te faaiteraa maitai i tera tupuraa taa ê. Tatou pauroa te na reira atoa ma te farii maitai i ta tatou i titau manihini. (Ro 15:7) Teie te tahi mau manaˈo tauturu.

• Eiaha e haere noa e parahi ma te tiai ia haamata te porotarama. Mea au aˈe ia farii maitai ma te mata ataata e ma te aroha ˈtu i tei titau-manihini-hia aore ra i te feia aita e poro faahou ra

• A tâuˈa i te feia ta oe i titau manihini. Oia atoa i tei tae mai maoti te titau-manihini-raa tei operehia. A ani ia ratou ia parahi mai i pihai iho ia oe e a tauturu atu ia faaohipa i te Bibilia e te buka himene

• I muri iho i te oreroraa parau, a vai ineine no te pahono i ta te taata uiraa. Ia titauhia ta oe amuiraa ia faarue oioi i te Piha a te Basileia, a faataa i te taime no te hoˈi faahou e farerei i te taata tau mahana noa i muri iho. Aita anaˈe oe e ite o vai tera taata, a parau atu: “Te hinaaro nei au e ite i to oe manaˈo no nia i te porotarama. E nehenehe anei taua e farerei faahou?”