Marchons par la foi, non par la vue

Maa taime iti hou Ierusalema i haaatihia ˈi e i haamouhia ˈi, ua papai te aposetolo Paulo e e titauhia i te mau Kerisetiano ia haamanaˈo e e ite iho â ratou i te mau fifi. E ‘aito maitai hoi ratou o Iesu Mesia.’ Eiaha ïa ratou e tuu i to ratou iho maitai e te navenave o te oraraa na mua roa. (Tim. 2, 2:3, 4) Fatata te ati i te tupu i nia i teie ao paieti ore. E titauhia ïa te hoê faaroo puai no te haafaufaa noa i te mau mea pae varua. (Kor. 2, 4:18; 5:7) A mataitai i te video Marchons par la foi, non par la vue. (A haere i nia jw.org na roto i te reo Farani e a pata i nia PUBLICATIONS > VIDÉOS.) A hiˈo e nafea te haafaufaa-rahi-raa i te mau mea materia i riro ai ei marei pohe no Naham raua Abital. I muri iho, a pahono i to muri nei mau uiraa.

(1) Eaha “te mea riaria . . . i te tiaraa i te vahi moˈa ra” i te senekele matamua? Eaha te ohipa faufaa roa tei titauhia i te mau Kerisetiano i Ierusalema i te rave? (Mat. 24:15, 16) (2) No te aha e titauhia ia faatupu i te faaroo no te faarue i te oire? (3) Eaha te mau haapaeraa i ravehia no te faarue i te oire? (4) No te aha Naham raua Abital i haamaoro ai? (Mat. 24:17, 18) (5) E nafea to Rachel faaroo i tamatahia ˈi i te tahi atu taime a faarue ai oia ia Ierusalema? (Mat. 10:34-37; Mar. 10:29, 30) (6) E nafea Ethan i riro ai ei hiˈoraa maitai i te pae no te faaroo e e nafea oia i faaite ai i to ˈna tiaturi ia Iehova? (7) Eaha te mau fifi ta te mau Kerisetiano i faaruru i Pella? (8) Mea nafea te faaroo o Naham raua Abital i paruparu mǎrû noa ˈi? (9) E nafea Iehova i aupuru ai i te mau Kerisetiano tei ora i Pella? (Mat. 6:33; Tim. 1, 6:6-8) (10) E nafea tatou e pee ai i te hiˈoraa o Aberahama raua Sara a piri noa mai ai te hopea o teie nei ao? (Heb. 11:8-10) (11) E nafea Naham raua Abital i haapapu ia ratou iho ia hoˈi mai i Ierusalema? No te aha mea tano ore to ratou manaˈo? (Luka 21:21) (12) I to Naham raua Abital hoˈiraa mai i Ierusalema, eaha mau â te huru oraraa i ô? (13) No te aha e mea titauhia ˈi ia tatou ia haapuai i to tatou faaroo i teie nei â, hou te hopea o teie nei ao?—Luka 17:31, 32; 21:34-36.

Te haerea faaroo, (1) o te tiaturiraa ïa i te aratairaa a Iehova, (2) o te vaiihoraa ia Iehova e aratai ia tatou e (3) o te faaiteraa e te haafaufaa nei tatou i te mau mea pae varua, eiaha râ i te mau faufaa pae materia. A faaoti papu ïa tatou i te tamau i te haere ma te faaroo a tiaturi noa ˈi e “te mou nei hoi teie nei ao, e ta to te ao atoa e hinaaro nei; o tei haapao râ i to te Atua ra hinaaro, e tia ïa i te oraraa e a muri noa ˈtu.”—Ioa. 1, 2:17.