Ia aravihi atu â i roto i te taviniraa—A haamau i te hoê tapura opereraa vea

No te aha e mea faufaa ˈi? E rave rahi taata te au nei i te taio i ta tatou mau vea. Aita râ ratou e hinaaro ra e haapii i te Bibilia e o tatou. Peneiaˈe no te mea aita ratou e hinaaro ra e taui i ta ratou haapaoraa aore ra te manaˈo ra e aita to ratou e taime no te haapii. Inaha râ e taio pinepine ratou i te mau vea, e tupu paha to ratou anaanatae no te Parau a te Atua. (Pet. 1, 2:2) E nehenehe te tahi tumu parau e haaputapû i to ratou aau. E nehenehe atoa to ratou tupuraa e taui. No reira, mea au roa ia haere e farerei poto i te taata ma te tamau. E matau ïa oia ia tatou e e tauturu mai te reira ia ite eaha to ˈna mau hinaaro e tapitapiraa. E i te pae hopea, e haamata paha tatou i te hoê haapiiraa Bibilia.