A faaohipa i te jw.org i roto i te pororaa—“A riro ei hoa no Iehova”

Ia pata oe i nia “PAPAI > VIDEO” i nia jw.org, e itehia te tuhaa “A riro ei hoa no Iehova” faaineinehia no te mau tamarii. I roto i teie tuhaa, te vai ra te mau himene aore ra video. Ua faaohipa anei oe i te reira i roto i te pororaa? Ia faatere oe i te haapiiraa a te hoê metua e tamarii ta ˈna, a faaite atu i tera tuhaa o te jw.org. E hinaaro paha oia e ite hau atu â no nia i ta tatou reni Internet.

A pûpû ai i te Parau apî o te Basileia N^o 38, ua ite hoê taeae i te tahi vahine o tei taio i te api parau i te taime iho â oia i te raveraa i te reira. Ua anaanatae atoa ˈtu ta ˈna mau tamarii. Ua faahiti poto te taeae i te mau manaˈo faufaa o te api parau. I muri iho, ua faaite oia i te api 4 no te haafaufaa i ta tatou reni Internet. Inaha ua anaanatae te vahine, ua faaohipa te taeae i ta ˈna matini roro uira afaifai no te faaite ia ratou pauroa i te tahi video no nia ia Kaleba.

Ua tauaparau hoê tuahine i te tahi hoa ohipa e tamarii ta ˈna no nia i ta tatou reni Internet. Oia atoa i te mau aˈoraa no te mau utuafare itehia i nia i te reira. Ua haere tera vahine e ta ˈna mau tamarii i nia jw.org. I muri aˈe, ua parau oia i te tuahine ua himene ta ˈna mau tamarii hoê himene o te tuhaa “A riro ei hoa no Iehova” a hauti noa ˈi i rapaeau i te fare.

A haamatau ia oe i teie tuhaa o te jw.org. A tuu atu hoê o te mau video aore ra himene i nia i ta oe matini roro uira afaifai. E ineine ïa oe i te faaohipa i te reira i roto i te pororaa. Teie hoê ravea faahiahia mau o te tauturu ia tatou ia tavini i te Fatu!—Ohi. 20:19.