Hohoˈa faaiteraa

No te haamata i te haapiiraa Bibilia i te Mahana maa matamua no Novema

“E farerei poto noa matou i te mau taata no te tauaparau no nia i te hoê faatereraa maitai. No oe, te vai ra anei te tahi faatereraa o te nehenehe e faaore i te mau fifi, mai te mau ohipa ino e tano ore?” A vaiiho ia ˈna ia pahono. I muri iho, a parau atu: “I roto i te Pure a te Fatu, ua haapii Iesu i ta ˈna mau pǐpǐ ia pure ia tae mai tera faatereraa, oia hoi te Basileia o te Atua.” A faaite atu i te api 16 o Te Pare Tiairaa no Novema-Titema. A taio e a tauaparau i nia i te uiraa matamua e te hoê irava i horoahia. A pûpû i te mau vea e a faataa i te mahana e hiˈopoa ˈi i to muri mai uiraa.

Te Pare Tiairaa Novema-Titema

“E tauaparau poto noa matou e te taata no nia i teie mau parau matau-maitai-hia o te pure ta Iesu i haapii i ta ˈna mau pǐpǐ. [A taio i te Mataio 6:9, 10.] Ua ite anei oe eaha te Basileia o te Atua e no te aha Iesu i haafaufaa ˈi i te reira a haapii ai oia? [A vaiiho ia ˈna ia pahono.] E faaite teie vea i ta te Bibilia e parau ra no nia i te Basileia o te Atua. Oia atoa no nia i te tahi mau haamaitairaa ta tatou e fanaˈo maoti te reira.”

A ara mai na! Novema-Titema

“E rave rahi o te rohirohi roa no te rahi o te ohipa. E au ra e eita e ravea no te taui i tera tupuraa. Ua faaite te mau hiˈopoaraa e no tera hohoˈa rohirohi vetahi e ahoaho e e maˈihia ˈi. No oe, na te aha e tauturu i te taata ia vai aifaito i roto i to ˈna oraraa? [A vaiiho ia ˈna ia pahono.] Teie te tahi aratairaa Bibilia o te haaferuri i te taata. [A taio i te Koheleta 4:6.] E faaite teie vea e maha ravea o te tauturu ia faatano i ta tatou mau fa matamua a ore ai te rohirohi no te rahi o te ohipa.”