Hohoˈa faaiteraa

No te haamata i te haapiiraa Bibilia i te Mahana maa matamua no Novema

“I to oe manaˈo, ua haamata anei te Basileia o te Atua i te faatere? [A vaiiho ia ˈna ia pahono.] Te faataa maira teie tumu parau i te pahonoraa.” A horoa ˈtu i Te Pare Tiairaa o te 1 no Atete, i te api 30-31, a taio e a tauaparau i nia i te uiraa maha e i te hoê irava i faahitihia. A pûpû i te mau vea e a faanaho e hoˈi atu e hiˈopoa i te pahonoraa o te tahi atu mau uiraa.

Te Pare Tiairaa 1 no Novema

A faaite i te api matamua a parau atu ai: “Eaha to oe huru ia haapii oe e ua haavarehia oe no nia i te Atua? [A vaiiho ia ˈna ia pahono.] Ua faaite mai Iesu e nafea ia faataa ê i te mea mau e te mea hape. A hiˈo na i ta ˈna i parau. [A taio i te Ioane 17:17.] O te Bibilia anaˈe te faaite mai i te parau mau no nia i te Atua. Te hiˈopoa nei teie vea e pae haavare matauhia no nia i te Atua e i ta te Bibilia e haapii mau ra.”

Te Pare Tiairaa 1 no Novema

“I to oe manaˈo, te tâuˈa ra anei te Atua i te taata? [A vaiiho ia ˈna ia pahono. E a taio i te Iakobo 1:13.] Ia au i teie irava, e ore roa Iehova e haamauiui i te taata. E faaite mai teie vea no te aha oia i vaiiho noa ˈi i teie nei ao ino e e nafea oia e tamahanahana ˈi i te taata e fifi ra.” A rave i te tumu parau i te api 5.