Atete: Te avaˈe pororaa faahiahia roa ˈˈe!

1. A fatata e 100 matahiti to te Basileia o te Atua, eaha te opereraa taa ê e tupu na te ao nei?

¹ A fatata e 100 matahiti te Basileia o te Atua i te haamauraahia. E taime ïa no te faahanahana ia Iehova maoti te hoê opereraa taa ê! I Atete, e apiti tatou i te opereraa na te ao nei o te api parau iti apî Ihea e ite ai i te pahonoraa i te mau uiraa faufaa roa o te oraraa? E faaitoito te reira i te feia taio ia hiˈo i roto i te Bibilia no te ite i te mau pahonoraa. E faataa atoa te reira e nafea te jw.org e tauturu ai ia ratou.

2. Eaha ta tatou e rave no te “umere rahi, i te haamaitairaa ia Iehova” i te avaˈe no Atete?

² E umere rahi i te haamaitairaa: I Atete, ua faanahohia hoê opereraa taa ê no te tauturu i te feia poro bapetizohia ia poro atu â ma te riro ei pionie tauturu. I tera avaˈe, e nehenehe ratou e poro 30 hora. I te mea e e pae Mahana pae, Mahana maa e Tapati i Atete, e nehenehe e rave rahi taata poro o te ohipa ra aore ra te haere ra i te haapiiraa e riro ei pionie tauturu. Mai te peu e e hinaaro ta oe piahi o te haere ra i mua i te pae varua aore ra ta oe tamarii e riro ei taata poro, a faaite i te reira i te tiaau o te tino matahiapo. E itoitohia ratou ia poro e o tatou i tera avaˈe taa ê! E faatano atoa paha te mau pionie tamau i ta ratou porotarama no te apiti rahi i teie opereraa faufaa roa, noa ˈtu e ua naea ta ratou mau hora e e rave ratou i te taime faafaaearaa i taua avaˈe ra. Teie te taime no te mau utuafare no te faaoti eaha ta ratou e rave i te avaˈe no Atete no te “umere rahi, i te haamaitairaa ia Iehova.”—Ezr. 3:11; Mas. 15:22.

3. Eaha ta tatou e tiaturi no nia i tera opereraa taa ê?

³ Noa ˈtu e ua apiti aˈena tatou i te hoê â mau opereraa, e tiaturi tatou e e mea taa ê roa ˈˈe tera opereraa. E nehenehe anei tatou e tapao i te hoê numera apî faahiahia i te pae o te mau hora pororaa, taata poro aore ra pionie tauturu i te avaˈe no Atete? Ua fatata te hopea o te matahiti taviniraa 2014. Ia haamaitai ïa Iehova i te mau tutavaraa a to ˈna nunaa na te ao nei ia faariro i te avaˈe no Atete ei avaˈe pororaa faahiahia roa ˈˈe!—Mat. 24:14.