Hohoˈa faaiteraa

No te haamata i te haapiiraa Bibilia i te Mahana maa matamua no Me

“E ohipa taa ê tei tupu i te 14 no Eperera, no reira matou e haere mai ai e farerei ia oe. Ua haamanaˈo te tahi mau taata i te mahana poheraa o Iesu no te mea no ratou mea faufaa roa te reira. Area vetahi aita ïa e ite eaha te faufaaraa o to Iesu pohe. I to oe manaˈo, e faufaahia anei taua i te reira?” A vaiiho ia ˈna ia pahono. A faaite atu i te tumu parau o Te Pare Tiairaa no Me–Tiunu “Te pahono ra te Bibilia” e a tauaparau i nia i te uiraa matamua e te hoê irava i horoahia. A pûpû i te mau vea e a faataa i te mahana e hiˈopoa ˈi i te piti o te uiraa.

Te Pare Tiairaa Me – Tiunu

“E rave rahi taata te ui ra no te aha te Atua e ore ai e faaore i te ino e te mauiui. Ia manaˈo oe, te tâuˈa maira anei te Atua aore ra te hinaaro ra oia ia mauiui te taata? [A vaiiho ia ˈna ia pahono e a taio i te Ioane 3:16.] Mea rahi te faahiti nei i teie irava no te faaite e te tâuˈa maira iho â te Atua ia tatou, aita râ i ite e nafea ratou e faufaahia ˈi te pohe o ta ˈna Tamaiti. Te faataa ra teie vea no te aha te pohe o Iesu e riro ai ei ravea no te faaore i te ino e te mauiui.”

A ara mai na! Me – Tiunu

“Iaorana. Te tauaparau nei matou i te taata i nia i te tahi ohipa o te ite-pinepine-hia ra. No te hepohepo rahi, ua manaˈo paha vetahi i te haapohe ia ratou. I to oe manaˈo, e hinaaro mau anei ratou e pohe aore ra e faaore noa i to ratou mauiui? [A vaiiho ia ˈna ia pahono.] Teie te tahi parau fafau Bibilia tei tauturu i e rave rahi ia taui i to ratou huru feruriraa. [A taio i te Apokalupo 21:3, 4.] I roto i teie vea, e hiˈopoahia toru tumu no te haafaufaa i te ora noa ˈtu te mau fifi.”