Hohoˈa faaiteraa

No te haamata i te haapiiraa Bibilia i te Mahana maa matamua no Fepuare

“Mea rahi te tiaturi nei e e hoˈi mai Iesu. Ua ite anei oe no te aha?” A vaiiho ia ˈna ia pahono. A faaite atu i te api 14 o Te Pare Tiairaa no Tenuare – Fepuare e a tauaparau i nia i te uiraa matamua e te hoê irava i horoahia. A pûpû i te mau vea e a faataa i te mahana e hiˈopoa ˈi i te piti o te uiraa.

Te Pare Tiairaa Tenuare – Fepuare

“No oe, eaha te parau haavare ta tatou e faaroo pinepine no nia i te Atua? [A vaiiho ia ˈna ia pahono.] Ia au i te Bibilia e hinaaro te Atua ia here e ia tiaturi te taata ia ˈna. [A taio i te Isaia 41:13.] Te faaite ra teie vea e toru parau haavare no nia i te Atua o te tapea ra ia vetahi ia haafatata ˈtu ia ˈna.”

A ara mai na! Tenuare – Fepuare

“E rave rahi hoa faaipoipo te parau ra e aita to ratou apiti e faaroo ra ia ratou. E pinepine ïa te tatamaˈiraa i te tupu. No oe, e nafea râ ia ore te reira ia tupu faahou? [A vaiiho ia ˈna ia pahono.] Te parau maira te Bibilia e e mea faufaa ia faaroo maite i te apiti. [A taio i te Iakobo 1:19.] I te api 12 o teie vea, te vai ra te tahi mau aratairaa e tauturu i te mau hoa faaipoipo.”