A pee i te hiˈoraa o te mau peropheta: Ioela
1. I roto i te taviniraa, e nafea ia pee i te hiˈoraa o Ioela?
1 O vai te peropheta Ioela? Ua faaite-noa-hia e e tamaiti o ˈna na Phetuela. (Ioe. 1:1) Aita teie peropheta haehaa i faatietie ia ˈna ei vea, ua faaara râ i ta Iehova poroi. Ma te ore e faateitei, e faaite anaˈe i te taata o vai Iehova a haafaufaa ˈtu ai i te Bibilia i roto i te taviniraa. (Kor. 1, 9:16; Kor. 2, 3:5) E faaitoito atoa mai te poroi ta tatou e poro ra. E nafea ia itoito i te parau tohu a Ioela a noaa mai ai te tiaturiraa?
2. A piri noa mai ai te mahana o Iehova, ia aha tatou e tia ˈi?
2 “Te fatata maira te mahana o Iehova.” (Ioe. 1:15): Noa ˈtu e ua papaihia teie mau parau a tau tausani matahiti aˈenei, te ora nei tatou i te anotau e tupu ai te reira. Te ino roa ˈtu ra te ao nei. Te faaooo mai ra te taata a ore atu ai e tâuˈa i te evanelia. E haapapuraa anaˈe tera e te ora nei tatou i te mau mahana hopea o teie ao ino. (Tim. 2, 3:1-5; Pet. 2, 3:3, 4) A piri noa mai ai te hopea, mea tano ia haafaufaa na mua i te taviniraa.—Pet. 2, 3:11, 12.
3. A piri noa mai ai te ati rahi, ia aha tatou?
3 “E riro râ Iehova ei haapuraa no to ˈna ra mau taata.” (Ioe. 3:16): Te aueueraa e faahitihia ra i roto i teie irava o ta Iehova ïa haavaraa ia tupu te ati rahi. Mea tamahanahana mau ia ite e e faaora Iehova i to ˈna mau tavini taiva ore i tera taime. (Apo. 7:9, 14) A poro noa ˈi, e itoitohia tatou i te ite i ta Iehova turu. E puai roa ˈtu â to tatou faaroo a faahotu atu ai i te faaoromai e tauturu mai i te ati rahi.
4. No te aha e oaoa ˈi e e faaruru ai i te ananahi ma te tiaturi?
4 Noa ˈtu e mea riaria te poroi a Ioela, e tiaturiraa faahiahia râ to roto no te nunaa o te Atua. (Ioe. 2:32) E faaruru anaˈe i te ananahi ma te tiaturi. E faaitoito anaˈe i te poro i te parau apî oaoa o te Basileia o te Atua a haapao noa ˈi i teie mau parau a Ioela 2:23: “E ouˈauˈa, e oaoa i to outou Atua, ia Iehova.”