Ta tatou reni Internet haamanahia—No tatou e no vetahi ê
Ua faaue mai Iesu ia poro i te parau apî maitai o te Basileia “e ati noa ˈˈe teie nei ao, ia ite te mau fenua atoa.” (Mat. 24:14) No te tauturu mai ia rave hope roa i ta tatou taviniraa, ua faanaho-apî-hia te jw.org na roto i te amuiraahia ˈtu te watchtower.org e jw-media.org.—Tim. 2, 4:5.
“E ati noa ˈˈe teie nei ao”: Na te ao, hoê i nia i te toru o te taata e faaohipa ra i te Internet. E haere te rahiraa, te feia apî iho â râ, i nia iho no te imi i te mau haamaramaramaraa. E rave rahi uiraa te pahonohia e te Bibilia i nia i ta tatou reni Internet. E ite te feia e haere atu i nia iho i ta Iehova faanahonahoraa e mea ohie atoa no ratou ia ani i te hoê haapiiraa Bibilia tamoni ore. E nehenehe ïa te parau apî maitai e tae i te mau tuhaa fenua mea fifi ia faaroo i te poroi o te Basileia.
“Te mau fenua atoa”: Ia porohia “te mau fenua atoa,” e titauhia ia faaite i te parau mau Bibilia na roto i te mau reo ê. Tera iho â tei ravehia. E nehenehe te taata e ite ohie i te mau haamaramaramaraa na roto fatata e 400 reo i nia jw.org i te tahi atu reni Internet.
A faaohipa maitai atu: Aita te reni jw.org i faanaho-apî-hia no te feia noa e ere i te Ite, no te mau Ite no Iehova atoa râ. Teie te tahi mau manaˈo tauturu no te faaohipa i te reira. Mai te peu e e ravea ta oe no te haere i nia i te Internet, te faaitoito atu nei matou ia haamatau ia oe i te jw.org. E nafea? E tauturu atu ïa to muri nei mau manaˈo.
[Hohoˈa faataahia i te api 3]
(Hiˈo i te papai)
A haere roa ˈtu i nia
1 A papai www.jw.org i te vahi faataahia o ta oe roro uira.
2 A pata i nia i te mau tumu parau rau no te hahaere na nia i te reira.
3 E nehenehe anei e haere i nia i te Internet maoti ta oe matini afaifai? A haere atu ïa i nia jw.org. Ua faatano-atoa-hia te reira no te mau matini haihai, hoê â haamaramaramaraa te itehia.