Eiaha e taiâ—ma te manaˈo e mea ohipa roa oe
1. No te aha vetahi e taiâ ˈi i te pûpû i te hoê haapiiraa Bibilia?
1 Te taiâ nei vetahi i te pûpû i te hoê haapiiraa Bibilia no te rahi o ta ratou ohipa. E titauhia te taime no te haapao i te hoê piahi, no te faaineine e no te faatere i ta ˈna haapiiraa e no te tauturu ia ˈna ia faaruru i to ˈna mau fifi. Ua horoa taatoa te aposetolo Paulo ia ˈna no te tauturu i to Tesalonia ia ite o vai Iehova. (Tes. 1, 2:7, 8) E nafea ia faatere i te hoê haapiiraa mai te peu e mea ohipa roa tatou?
2. E nafea ia faaohipa i to tatou taime no to tatou here ia Iehova?
2 E titau te taviniraa ia Iehova i te taime: E titau iho â te taviniraa, mai te haereraa i te mau putuputuraa, te pororaa, te taioraa i te Bibilia, e te pure, i te taime. Te oaoa nei te mau hoa faaipoipo i te faaherehere i te taime no te tahi e te tahi. Auê ïa i te oaoa atu â ia ‘faaherehere i te taime’ no te haamori ia Iehova no to tatou here ia ˈna! (Eph. 5:15-17; Ioa. 1, 5:3) Mai ia Iesu, e tuhaa faufaa no ta tatou taviniraa te faariroraa i te taata ei pǐpǐ. (Mat. 28:19, 20) E tauturu mai te feruriruriraa i te reira ia ore e taiâ i te faatere i te hoê haapiiraa Bibilia.
3. E nafea tatou e te haapiiraa Bibilia ia taupupu noa ˈtu ta tatou porotarama taviniraa?
3 E ia taupupu noa ˈtu te porotarama no te rahi o te ohipa, no te maˈi rahi aore ra no te mau hopoia Kerisetiano? Te faatere nei ïa vetahi feia poro i ta ratou haapiiraa Bibilia na roto i te niuniu paraparau aore ra i te Internet. Ia taupupu vetahi no te maˈi rahi, e faahaere mai ratou i te piahi i to ratou fare. Ia ore vetahi e vata, e ani ratou i te hoê taata poro tiaturihia ia mono ia ratou.
4. Eaha te mau haamaitairaa ia faatere i te haapiiraa Bibilia?
4 Ua oaoa rahi Paulo i te horoaraa i to ˈna taime e puai no te tauturu ia vetahi ê ia haapii i te parau mau. (Ohi. 20:35) A feruri ai oia i te feia atoa ta ˈna i tauturu i Tesalonia, ua haamauruuru oia ia Iehova. (Tes. 1, 1:2) Ia faatere tatou i te haapiiraa Bibilia noa ˈtu e mea ohipa roa tatou, e rahi ïa to tatou oaoa e mauruuru i roto i te taviniraa.