Hohoˈa faaiteraa

No te haamata i te haapiiraa Bibilia i te Mahana maa matamua no Me

“Mea rahi te faatupu ra i te oroa fanauraa o Iesu. No oe, mea faufaa anei râ ia haamanaˈo i to ˈna pohe?” A vaiiho ia ˈna ia pahono. A horoa ˈtu i Te Pare Tiairaa o te 1 no Me i te tumu parau “Ta te Parau a te Atua e haapii maira.” A taio e a tauaparau i nia i te uiraa matamua e te hoê irava i horoahia. A faataa i te mahana e hiˈopoa ˈi i te tahi atu uiraa.

Te Pare Tiairaa 1 no Me

“E rave rahi haapaoraa i teie mahana. Mea taa ê te haapiiraa e ture aveia no nia i te haerea a te haapaoraa taitahi. No oe, e Kerisetiano mau anei te feia atoa e parau ra e e Kerisetiano ratou? [A vaiiho ia ˈna ia pahono.] Teie ta Iesu i parau no nia i ta ˈna mau pǐpǐ mau. [A taio i te Ioane 13:34, 35.] E faaite mai teie vea e pae faahitiraa a Iesu e itehia ˈi ta ˈna mau pǐpǐ mau.”

Te Pare Tiairaa 1 no Me

“Eaha to oe manaˈo i ta Iesu i parau i roto i teie irava? [A taio i te Ioane 17:17 e a vaiiho ia ˈna ia pahono.] A tavini ai Iesu i te fenua nei, ua faaohipa pinepine oia i te Parau a te Atua no te haapapu i ta ˈna mau haapiiraa. Te faataa ra te tumu parau o teie vea ‘Ia mau maite outou i ta ˈu parau’ o vai te pee ra i te hiˈoraa o Iesu i teie mahana.”