Parau faaara

◼ Papai e pûpû i Eperera e Me: Te Pare Tiairaa e te Réveillez-vous! Ia anaanatae mai te taata, a pûpû atu i te api parau E hinaaro anei oe e ite i te parau mau? e a tutava i te haamata i te hoê haapiiraa Bibilia. A hoˈi ai e farerei i te feia tei tae mai i te Oroa haamanaˈoraa, i te hoê putuputuraa aore ra tairururaa, aita râ e apiti roa ra i te amuiraa, a tutava i te haamata i te haapiiraa Bibilia e te buka Bibilia haapii. Tiunu: Eaha ta te Bibilia e haapii mau ra? Tiurai: Hoê o teie mau buka rairai e 32 api: Eaha ta te Atua e titau ra ia tatou?; Eaha te tumu o te oraraa? Nafea outou e ite ai i te reira?; Eaha te tupu i nia ia tatou ia pohe tatou?; E ara!; E oaoa oe i te fenua e a muri noa ˈtu!; Mau varua o te feia pohe—E nehenehe anei ratou e tauturu ia outou aore ra e hamani ino ia outou? Te vai mau ra anei ratou?; Te iˈoa o te Atua e vai noa e a muri noa ˈtu.

◼ E faatanohia te porotarama o te putuputuraa o te hebedoma na mua ˈtu i te hebedoma o te tairururaa mataeinaa no te hiˈo faahou i te mau aˈoraa e haamanaˈoraa no nia i te tairururaa. Hoê aore ra e piti avaˈe i muri aˈe i ta outou tairururaa, e faaohipahia paha te tuhaa “Hinaaro o te amuiraa” no te hiˈo faahou i te mau manaˈo o te tairururaa ta te feia poro e manaˈo ra e mea faufaa no te taviniraa.

◼ Ia opua noa ˈtu outou e haere i te tairururaa mataeinaa i te hoê fenua ê, e ite outou i te haamaramaramaraa i nia i te reni internet www.jw.org, a hiˈo i roto i te tuhaa “Consultation” e a haere i nia “Assemblées.”