Hohoˈa faaiteraa

No te haamata i te haapiiraa Bibilia i te Mahana maa matamua no Mati

“Ua tohu te Bibilia i te matahiti e fa mai ai te Mesia, te taio mahana atoa anei ïa?” A vaiiho i te taata ia pahono. A horoa ˈtu i Te Pare Tiairaa o te 1 no Fepuare, a taio e a tauaparau i nia i te uiraa piti i te api 11 e te hoê irava i horoahia. A faataa i te mahana e hiˈopoa ˈi i te tahi atu uiraa.

Te Pare Tiairaa 1 no Mati

“I te mau matahiti i mairi, ua paraparau-rahi-hia no nia ia Aramagedo. No oe, e ravea anei ta te taata ia ore Aramagedo e tupu? [A vaiiho ia ˈna ia pahono.] No roto mai te parau ‘Aramagedo’ i teie irava. [A taio i te Apokalupo 16:16. A faaite i te api matamua o te vea.] Te pahono ra te Bibilia i teie nau uiraa.”

Te Pare Tiairaa 1 no Mati

“E ani mai paha te hoê taata aau haavare ore i te tauturu no te rave i te hoê faaotiraa aore ra no te horoa i te aˈoraa. E niu oe i ta oe pahonoraa i nia i te aha, e nafea atoa oe e horoa ˈi i te aˈoraa? [A vaiiho ia ˈna ia pahono.] A hiˈo na i ta te arii Solomona i parau. [A taio i te Maseli 15:28.] Te horoa ra te tumu parau ‘E nafea oe e horoa ˈi i te aˈoraa?’ e pae aratairaa Bibilia o te tauturu ia oe.”