Parau faaara

◼ Papai e pûpû i Fepuare: Te Bibilia—Parau na te Atua aore ra na te taata? aore ra Te ravea e itehia ˈi te oaoa i te utuafare. Mati: Eaha ta te Bibilia e haapii mau ra? A tutava i te haamata i te hoê haapiiraa Bibilia i te farereiraa matamua. Mai te peu e te vai ra ta te taata teie buka e eita oia e farii i te haapiiraa, a pûpû atu i te hoê vea tahito aore ra i te buka rairai E oaoa oe i te fenua e a muri noa ˈtu! Eperera e Me: Te Pare Tiairaa e te Réveillez-vous!

◼ “Ua maoro roa anei?” o te manaˈo tumu ïa o te oreroraa parau taa ê e vauvauhia i te hopea hebedoma i muri noa ˈˈe i te Oroa haamanaˈoraa.

◼ Ia opua outou e reva i te hoê fenua aita i roto i te tapura taviniraa aore ra te tapura vahi nohoraa i te api hopea o te Annuaire apî, a papai i te amaa no te ite eaha te mau faanahoraa e rave aore ra te mau faaueraa taa ê e pee. Ua taotiahia paha te pororaa i tera fenua. (Mat. 10:16) Eita paha e faatiahia ia farerei e ia niuniu te mau ratere i te mau Ite aore ra i te mau amuiraa no reira. E horoahia ˈtu te haamaramaramaraa hau no nia i te pororaa faanaho-ore-hia aore ra te mau papai e nehenehe e afai. Ia haapao maitai outou i teie mau aratairaa, eita ïa outou e te pororaa e fifi.—Kor. 1, 14:33, 40.