Pahonoraa i ta outou mau uiraa

◼ Afea tatou e vaiiho ai i te papai i te taata?

Te tumu matamua, to ˈna ïa anaanatae. E vaiiho paha ïa tatou e piti vea, hoê buka rairai, hoê buka, aore ra te tahi atu papai ta tatou e pûpû nei. Noa ˈtu e aita aore ra e moni haihai ta ˈna e horoa no te turu i te ohipa na te ao. (Ioba 34:19; Apo. 22:17) Eita iho â ïa tatou e vaiiho i ta tatou mau papai faufaa roa i tei ore i anaanatae i te reira.—Mat. 7:6.

E nafea e ite ai e te anaanatae mau ra te taata? Ia hinaaro oia e aparau. E faaroo maitai mai oia, e e pahono mai i te mau uiraa ma te faaite atoa i to ˈna manaˈo. Ia apee oia i te taioraa o te mau irava Bibilia, e ite ïa tatou e mea faatura na ˈna te Parau a te Atua. E mea maitai ia ani e e taio anei o ˈna i te mau papai e horoahia ˈtu. Na te taata poro e faito i te anaanatae o te taata. Aita anaˈe tatou i papu, mea maitai aˈe ïa i te horoa ˈtu i te hoê api parau. Ia poro tatou na te aroâ, ei hiˈoraa, eiaha ia opere noa i te mau papai i te taata.

Ia faatano te taata poro i te mau papai ta ˈna e rave i te Piha a te Basileia ia au i ta ˈna e hinaaro no te taviniraa eiaha râ ia au i ta ˈna e manaˈo e opere. E ere te mau ô no te aufau i te mau papai, no te turu râ i te mau tuhaa atoa o ta tatou pororaa na te ao nei. Noa ˈtu ehia moni ta tatou, e horoa maitai iho â tatou i ta tatou e hinaaro, eiaha râ i te tiahapa, no te turu i te mau faufaa a te Basileia. (Mar. 12:41-44; Kor. 2, 9:7) Ia rave noa ïa tatou i te mau papai e hinaarohia ma te ore e haamâuˈa i teie mau mauhaa.

[Parau iti faaôhia i te api 2]

Ia faitohia te anaanatae o te taata