Pahonoraa i ta outou mau uiraa

◼ Ia faaotihia anei te pure tei te pae uputa anaˈe te haapiiraa Bibilia?

Mea rahi te maitai ia pure a haamata e a faaoti ai i te hoê haapiiraa Bibilia. Mea maitai ïa ia haamata oioi i te reira. A pure ai, e ani tatou i te varua moˈa o Iehova i nia i te aparauraa. (Luka 11:13) E ite atoa te piahi e mea faufaa roa ta ˈna haapiiraa e e nafea ia pure. (Luka 6:40) Ua rau râ te tupuraa. Na te taata poro taitahi ïa e faaoti e pure aore ra aita tei te pae uputa anaˈe te haapiiraa.

Te tahi mea faufaa e feruri, o te vahi ïa e faaterehia ˈi te haapiiraa. Mai te peu e aita i rahi roa te taata, e nehenehe e faaoti i te tahi pure, ma te ore râ e faaiteite. Aita anaˈe râ te piahi e au no te mea mea rahi te taata e hiˈo maira, mea au aˈe ïa ia tiai ia faaterehia te haapiiraa i te tahi atu vahi maitai aˈe. Noa ˈtu râ eaha te vahi, ia haroaroa tatou no te faaoti afea e pure ai.—A hiˈo i Ta tatou taviniraa i te Basileia no Mati 2005, api 4.