A faaohipa maitai atu
1. E tauturu mai te api parau Ite i te parau mau ia aha?
1 E tauturu mai te api parau E hinaaro anei oe e ite i te parau mau? ia haamata i te mau haapiiraa Bibilia e ia ueue atoa râ i te mau huero o te parau mau. (Koh. 11:6) Teie te tahi mau manaˈo tauturu no te faaohipa maitai atu.
2. E nafea ia faaohipa i te api parau no te aparau atu?
2 Ia aparau atu: A horoa i te api parau i te taata ma te faaite i na uiraa e ono o te api matamua, e a ui: “Eaha te uiraa ta oe i uiui noa na?” E a hiˈopoa i te pahonoraa Bibilia o te api parau a taio atu ai i te irava horoahia. A taio aore ra a haapoto i te api hopea e a pûpû atu i te buka Bibilia haapii. Noa ˈtu e aita oia e farii, ua vaiiho tatou i te api parau e aˈa ˈi paha te parau mau i roto i to ˈna aau.—Mat. 13:23.
3. E nafea aita anaˈe e taime to te taata?
3 Aita anaˈe e taime: A parau atu paha: “I te mea e e ere teie i te taime maitai, e vaiiho atu ïa vau i teie api parau. E ono uiraa i ǒ nei ta tatou paha i uiui na, te vai atoa ra te mau pahonoraa Bibilia. E faaite mai ïa oe i to oe manaˈo ia hoˈi mai au.”
4. Eaha te parau ia poro tatou na te mau aroâ?
4 Na te mau aroâ: E parau paha oe: “Iaorana. Ua ui ê na anei oe i teie mau uiraa? [A vaiiho i te taata ia pahono.] Te faaite ra teie api parau i te mau pahonoraa Bibilia papu e te taa maitai.” E taime anaˈe to taata, a tauaparau i nia i te pahonoraa o te api parau a pûpû atu ai i te buka Bibilia haapii.
5. E nafea e te api parau aita anaˈe e taata i te fare?
5 Aita anaˈe e taata i te fare: I te tahi mau tuhaa fenua, e pinepine te feia poro i te vaiiho i te papai i te fare aita e taata, i te hoê râ vahi eita e itehia e te taata no rapae. No te aha e ore ai e vaiiho i te tahi taime i te api parau Ite i te parau mau? Ia hoˈi faahou atu oe, a parau: “Aita oe i te fare ia mâua i haere mai, ua vaiiho ïa mâua i teie api parau i ǒ nei. E hinaaro oe e ite i te pahonoraa i teihea uiraa?”
6. No te aha e ravea maitai ai te api parau Ite i te parau mau no te poro?
6 Te faataa ra teie api parau i te parau mau ma te ohie. E tano no te feia o te mau haapaoraa e taˈere atoa. Mea ohie no te feia apî e te feia poro apî atoa ia pûpû atu. Te faaohipa ra anei oe i te reira i te mau taime tano atoa?