Te faaohipa ra anei oe i te api hopea?

Ia rave te taata i te hoê vea, e pinepine ratou i te hiˈo i te api matamua a huri roa ˈtu ai i te api hopea. I te api hopea o te neneiraa na te taatoaraa o Te Pare Tiairaa (a hiˈo i te hohoˈa o te vea reo Farani), e rave rahi uiraa e faahitiraa o te faaara ra i te anaanatae o te taata oia atoa te numera o te api o te tumu parau.

E nehenehe tatou e faaohipa i te mau uiraa o teie api no te omua i te hoê aparauraa. I te avaˈe hoê, e tauiui paha tatou i ta tatou faaiteraa ma te tuu i te tahi atu uiraa. Te ohipa ra te taata? E haapoto ïa tatou ma te faaite atu i te tahi uiraa i te api hopea a parau atu ai: “Ia hinaaro oe e ite i te pahonoraa, e vaiiho atu ïa vau i teie mau vea e e nehenehe taua e aparau â ia taimehia oe.” E haamata paha vetahi atu ma te faaite i te api hopea i te taata a ani atu ai ia ˈna ia maiti i te hoê uiraa ta ˈna e anaanatae ra. E e faaite ratou i te tumu parau tei reira te pahonoraa ma te taio atu i te hoê irava ta ratou i maiti aˈena. E nehenehe â paha oe e feruri i te tahi atu mau ravea no te faaohipa i te api hopea ia anaanatae te taata i Te Pare Tiairaa.