Haamanaˈoraa o te Haapiiraa no te taviniraa Kerisetiano

E hiˈopoahia te mau uiraa o te haamanaˈoraa i muri nei i te Haapiiraa no te taviniraa Kerisetiano i te hebedoma o te 30 no Atete 2010. Na te tiaau o te haapiiraa e faatere i taua haamanaˈoraa ra, e 20 minuti, niuhia i nia i te mau tumu parau o te mau hebedoma o te 5 no Tiurai e tae atu i te 30 no Atete 2010.

1. E nafea te feruriruriraa i te pure avariraa a Solomona e faaitoito ai i to tatou mauruuru no to Iehova huru? (Arii 1, 8:22-53) [w05 1/7 api 30 par. 7]

2. No te aha e parauhia ˈi e ua haere Davida “ma te haapao maitai o te aau” i mua ia Iehova, noa ˈtu e e rave rahi hape ta ˈna i rave? (Arii 1, 9:4) [w97 1/5 api 5 par. 1-2]

3. No te aha te arii vahine o Seba i parau ai no Solomona: “E ao to teie nei mau tavini, e tia noa i pihaiiho ia oe nei, faaroo ai i te parau paari na oe na!”? (Arii 1, 10:4-8) [w99 1/11 api 20 par. 5-7]

4. Eaha ta tatou faaotiraa i te mea e ua faaue Iehova ia hunahia Abiia ma te tura? (Arii 1, 14:13) [cl api 244 par. 11]

5. No te aha Aramagedo i titauhia ˈi? [w08 1/5 api 7 par. 4–api 8 par. 3]

6. No te aha te mau taata i mamû ai ia Elia i ani ia ratou e pee ia Iehova aore ra ia Baala? (Arii 1, 18:21) [w05 1/7 api 31 par. 1]

7. Mai te faaitehia e te tupuraa o Elia, no teihea tumu Iehova e faaohipa ˈi i to ˈna mana no ta ˈna mau tavini? (Arii 1, 19:1-12) [cl api 42-43 par. 15-16]

8. No te aha Nabota i patoi ai i te hoo atu i ta ˈna ô vine ia Ahaba, e eaha ta tatou e haapii mai? (Arii 1, 21:3) [w97 1/8 api 13 par. 18-20]

9. Mea nafea te vahine i Sunema ‘i faaitoito noa ˈi’ no Elisaia? (Arii 2, 4:13) [w97 1/10 api 30 par. 6-8]

10. No te aha Elisaia i ore ai i farii i te taoˈa horoa a Naamana? (Arii 2, 5:15, 16) [w05 1/8 api 9 par. 2]