A haapapu i te manaˈo ia haapii outou
1. Eaha te auraa ia faaohipa maitai i te Parau a te Atua i roto i te taviniraa?
1 Ua taa i te mau tavini aravihi, mai te aposetolo Paulo, e e ere te ‘tufaraa i te parau mau ma te tia’ i te faahiti-noa-raa i te Bibilia. (Tim. 2, 2:15) E nafea ia haapapu i te manaˈo ia haapii tatou a faaohipa ˈi i te Parau a te Atua?—Ohi. 28:23.
2. Ia nafea tatou ia faatura ˈtu â te taata i te Parau a te Atua?
2 Na te Parau a te Atua e paraparau: A tahi, a huti i te ara-maite-raa o te taata i nia i te Bibilia ia faatura ratou i te paari o te Atua. E turai ïa to tatou tiaturi i te Parau a te Atua ia ratou ia haapao maitai i te taioraa o te hoê irava. (Heb. 4:12) E nehenehe e parau noa ˈtu: “Ua ite au i te faufaaraa ia pee i to te Atua manaˈo. A hiˈo na i ta ta ˈna Parau e na ô ra.” Ia nehenehe, a vaiiho i te Parau a te Atua ia paraparau ma te taio roa ˈtu i te irava.
3. Eaha te rave no te tauturu i te taata ia taa i te auraa o te irava i taiohia?
3 A piti, a faataa i te irava faaohipahia. E mea fifi no e rave rahi ia taa oioi i te auraa o te hoê irava. E mea titauhia ïa ia faataa ˈtu i te tuatiraa o te irava i te aparauraa. (Luka 24:26, 27) A huti i to ˈna ara-maite-raa i nia i te mau taˈo faufaa e a tuu i te hoê uiraa. E papu ïa ia tatou e ua taa maitai anei oia i te manaˈo o te irava.—Mas. 20:5; Ohi. 8:30.
4. Eaha ˈtu â tei titauhia no te haapii atu ma te haapapu i te manaˈo?
4 A haaferuri i nia i te mau Papai: A toru, a haaferuri e a haaputapû i te aau o te fatu fare. A tauturu ia ˈna ia huti mai i te tahi haapiiraa no ˈna iho. E nehenehe te haaferuriraa i nia i te mau Papai e faataui i te manaˈo o te taata. (Ohi. 17:2-4; 19:8) Ei hiˈoraa, i muri aˈe i te taioraa ˈtu i te Salamo 83:18, e nehenehe tatou e haaferuri i nia i te faufaaraa ia ite i te iˈoa o te tahi taata no te faatupu i te hoê taairaa e o ˈna. E a ui atu, “E faufaa ˈtu â anei ta oe mau pure i teie nei ua ite oe i te iˈoa o te Atua?” Ma te faatuati i te irava i te oraraa o te fatu fare, e faaite ïa tatou e e au teie irava ia faaohipahia. Ia haapii tatou ma te haapapu i te manaˈo i nia i te Parau a te Atua, e haamori ïa te feia aau haavare ore ia Iehova, te Atua ora e te parau mau.—Ier. 10:10.