Ua ineine anei outou i te himene ia Iehova i ta tatou mau putuputuraa?
1 Te faaineineraa i te apiti i ta tatou mau putuputuraa, o te faaineine-atoa-raa ïa i te mau himene arueraa. Teie te tahi mau manaˈo tauturu.
2 A taa i tei himenehia ra: E haafaufaa ˈtu â te irava tumu e te tahi atu mau irava i te hopea o te himene taitahi i te niu Bibilia o tei himenehia ra.
3 A himenemene: E faaohipahia paha te tahi tuhaa o te haamoriraa utuafare no te haamatarotaro e te mau himene apî. A himene ma te apee i te haruharuraa hautihia i nia i te piana faaohipahia i te putuputuraa. E nehenehe outou e haamatau ia outou i te taˈi upaupa e te mau parau o te mau himene apî, ma te faaroo i te ripene 1 o te Chantons à Jéhovah—Version chantée.
4 E ineine anei outou ia himene tatou i te Chantons à Jéhovah? E ineine, ia rave outou i te taime no te taa i tei himenehia ra e no te himenemene atu.