E nafea ia pûpû i te mau vea

La Tour de Garde 1 no Fepuare

“I to oe manaˈo, te faaroo ra anei te Atua i te mau pure atoa? [A vaiiho i te taata ia pahono.] A tapao na eaha ta Iesu i parau no nia i te reira. [A taio i te Mataio 6:7.] Te horoa ra teie tumu parau anaanatae i te pahonoraa a te Bibilia i na uiraa e maha te ui-pinepine-hia no nia i te pure.” A rave i te tumu parau e haamata i te api 16.

Réveillez-vous! Fepuare

“E rave rahi te tiaturi ra e ua faataa-ê-na-hia to tatou oraraa. Eaha to oe manaˈo? [A vaiiho i te taata ia pahono.] Ia au i teie irava, na tatou e maiti. [A taio i te Deuteronomi 30:19.] Te faataa ra teie tumu parau i ta te Bibilia e parau ra no nia i te oraraa faataahia.” A rave i te tumu parau e haamata i te api 12.

Te Pare Tiairaa 1 no Eperera

“I to oe manaˈo, ua faaoti-aˈena-hia anei te mau mea atoa e tupu i roto i te oraraa? [A vaiiho i te taata ia pahono.] A hiˈo na eaha ta te Bibilia e parau ra no nia i te reira. [A taio i te Koheleta 9:11.] Te faataa ra teie vea e noa ˈtu e ua faataa ê na te Atua i te hoê tau no a muri aˈe faahiahia no te fenua, te vaiiho ra oia ia tatou taitahi ia maiti i to tatou iho huru oraraa.”

Réveillez-vous! Mati

“Te ahoaho nei e rave rahi i teie mahana no te moni, i teie iho â râ mau tau fifi i te pae o te faanavairaa faufaa. Tera atoa anei to oe manaˈo? [A vaiiho i te taata ia pahono.] A tapao na i teie aˈoraa faito noa. [A taio i te Timoteo 1, 6:8, 10.] Te haamahitihiti ra teie vea i vetahi mau faaueraa tumu bibilia no te tauturu ia tatou ia faanaho i ta tatou moni ia au i te hoê ravea o te faatupu i te hau o te feruriraa.”