Rata a te amaa

E te feia poro here i te Basileia e,

Te oaoa nei matou i te faaite ia outou i te mau haereraa i mua a te taatoaraa o te feia poro i Porinetia Farani i te roaraa o te matahiti taviniraa i mairi! No te taime matamua, ua raea ia tatou te numera e 2 000 taata poro! I Me, e 2 080 taata poro tatou, o te 6raa ïa o te maraaraa rahi roa ˈˈe o te matahiti taviniraa i mahemo. Mai ta outou i ite, e 6 763 taata tei tae mai i te Oroa haamanaˈoraa i te 22 no Mati 2008, o te hoê ïa numera faahiahia roa no ta tatou amaa!

Te oaoa nei matou i te iteraa e ua maraa rahi roa te numera o te mau pionie tamau mai te matahiti i mairi aˈenei. Te taiohia ra fatata 130 rahiraa pionie e e au ra e e rave rahi â taeae e tuahine e hinaaro ra e tapao atoa ia ratou i nia i te tapura o te mau pionie. I Mati, e 432 pionie tauturu tei haa ma te itoito i roto i te taviniraa. Ua riro atoa tera numera ei numera apî maitai roa ˈˈe no ta tatou amaa. I te matahiti i mairi aˈenei, ua faatere-tamau-hia i te faito au noa fatata e 2 400 haapiiraa bibilia. I teie mahana, i te faito au noa, e 3 000 ïa te faaterehia ra i te avaˈe taitahi.

E mea oaoa atoa ia ite e aita te taata o te mau motu atea i moehia. E rave rahi amuiraa tei papai i te amaa no te ani e nehenehe anei ratou e poro na roto i te niuniu paraparau e te rata i te mau taata o tera mau motu. I teie mahana, 16 o tera mau motu atea tei operehia i te tahi mau amuiraa. Ua haamatahia te mau haapiiraa bibilia na roto i te niuniu paraparau. Ua riro e rave rahi o tera mau piahi ei taata poro i teie mahana. I te mau avaˈe atoa, e hapono mai tera mau taata poro atea i ta ratou tapura taviniraa i te Betela. E mea faaitoito mau â te reira!

No reira, a haamata ˈi teie matahiti taviniraa apî, te faaitoito nei matou ia outou ia haa puai noâ i roto i te taviniraa ia Iehova e ia tamau â i te tuu i te reira i te parahiraa matamua i roto i to outou oraraa.

To outou mau taeae,

Amaa no Tahiti