Putuputuraa no te taviniraa

Hebedoma o te 14 no Tiurai

Himene 126

10 mn: Parau faaara. Ma te faaohipa i te mau manaˈo tauturu i te api 4 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i te Tour de Garde o te 1 no Tiurai e te Réveillez-vous! no Tiurai.

15 mn: Te paraparau ra anei oe ma te “ore e huna i te parau”? Oreroraa parau niuhia i nia i te Tour de Garde o te 15 no Me 2006, api 13-6. A haamahitihiti i te faufaaraa ia poro ma te itoito.

20 mn: “A ora ma te haamanaˈo i te mahana o Iehova.”a A haamahitihiti i te mau tuhaa taa ê otahi o te buka. A hiˈo faahou i te porotarama no te haapiiraa buka e te mau faaueraa i te api 3 o Ta tatou taviniraa i te Basileia. A faaitoito i te taatoaraa ia tae tamau mai e ia pahono rahi. A uiui poto hoê aore ra e piti taata poro matauhia ei taata o te faaineine maitai i te mau putuputuraa, e a ani ia raua eaha te turai ra ia raua ia na reira.

Himene 147

Hebedoma o te 21 no Tiurai

Himene 95

10 mn: Parau faaara. Parau faaite e tano i Ta tatou taviniraa i te Basileia.

15 mn: Hinaaro o te amuiraa.

20 mn: “Te faaineineraa—te taviri no te mau farerei-faahou-raa manuïa.”b E paraparau te hoê taata poro ia ˈna iho e maha minuti a faaineine ai o ˈna i ta ˈna mau farerei-faahou-raa. E hiˈo faahou oia i ta ˈna mau tapaopaoraa e e faataa i ta ˈna e hinaaro ra no te hoˈi-faahou-raa e farerei e piti taata i taua hopea hebedoma ra. No na taata taitahi e piti, e feruri oia i ta ˈna i aparau i te taime i mairi, e faataa oia i ta ˈna fa, e e faaineine ia nehenehe e raeahia te fa. E faaineine oia i te pûpû atu i te hoê haapiiraa bibilia i te hoê. E faaineine oia i te atuatu i te anaanatae na roto i te faaohiparaa i te manaˈo tauturu o te paratarafa 5 i te tahi atu.

Himene 189

Hebedoma o te 28 no Tiurai

Himene 6

10 mn: Parau faaara. A haamanaˈo i te feia poro atoa ia faahoˈi mai i ta ratou tapura taviniraa no Tiurai. A taio i te tapura faufaa moni e te mau haamauruururaa no te mau ô. A haamanaˈo i te feia e faaroo ra ia afai mai i Te Pare Tiairaa o te 1 no Tetepa (wp08 1/8-F) e te Réveillez-vous! no Atete i te Putuputuraa no te taviniraa i te hebedoma i mua nei e ia ineine ratou no te aparau i nia i te mau faaiteraa e tano i ta tatou tuhaa fenua. A faaite i te mau buka e pûpû i Atete, e a rave i te hoê faahiˈoraa.

15 mn: E haamanaˈo noa anaˈe e e tau ru teie. Oreroraa parau vauvauhia ma te aau tae i nia i Te Pare Tiairaa o te 1 no Tenuare 2007, api 6-7, paratarafa 17-21.

20 mn: “Te huri nei tatou i te mau pare i raro.”c A ani i te feia e faaroo ra ia tatara e mea nafea ta ratou orometua haapii i te Bibilia tautururaa ia ratou ma te faaoromai ia faarue i te mau tiaturiraa faaroo hape puai.

Himene 106

Hebedoma o te 4 no Atete

Himene 222

10 mn: Parau faaara.

15 mn: Ua ineine anei ta oe mau tamarii no te faaruru i te mau fifi i te fare haapiiraa? Oreroraa parau e aparauraa e te feia e faaroo ra. A haamahitihiti vetahi mau fifi ta te mau taurearea Kerisetiano e faaû ra i te haapiiraa. A faataa nafea te mau metua e ta ratou mau tamarii e nehenehe ai e faaohipa i te Index des publications Watch Tower no te fanaˈo i te mau haamaramaramaraa faufaa. A horoa i te tahi mau hiˈoraa. (A hiˈo i te upoo parau matamua “École,” upoo parau iti “rapports.”) A ani i te feia e faaroo ra i paari i roto i te mau utuafare Kerisetiano ia faataa mea nafea to ratou mau metua i te faaineineraa ia ratou ia faaruru i te mau fifi e ia faaohipa i te mau faaueraa tumu bibilia i te fare haapiiraa. E nehenehe atoa ratou e faahiti i te mau tapura haapiiraa ta ratou i faaineine no te mau tumu parau o te Réveillez-vous! E faataa mai ratou mea nafea to ratou pororaa ˈtu i te mau hoa haapiiraa i te parururaa ia ratou.

20 mn: A faaineine i te pûpû atu i te mau vea apî. Aparauraa e te feia e faaroo ra. I muri aˈe i te hoê faaiteraa poto o te Réveillez-vous! no Atete e Te Pare Tiairaa o te 1 no Tetepa (wp08 1/8-F), a ani i te feia e faaroo ra eaha te mau tumu parau ta te taata o ta tatou tuhaa fenua e anaanatae ra e no te aha. A titau i te feia i putuputu mai ia faahiti i te mau manaˈo taa maitai o te mau tumu parau ta ratou e opua ra e haamataratara. Teihea uiraa te nehenehe e ui no te haamata i te hoê aparauraa? Eaha te irava i roto i te tumu parau o te nehenehe e taio atu? Ma te faaohipa i te mau faaiteraa faahitihia no ta tatou tuhaa fenua, a faaite e nafea ia pûpû atu i Te Pare Tiairaa o te 1 no Tetepa (wp08 1/8-F) e te Réveillez-vous! no Atete.

Himene 83

[Nota i raro i te api]