Parau faaite
◼ Papai e pûpûhia i Eperera e Me: Te Pare Tiairaa e Réveillez-vous! E tutava taa ê tatou i te hoˈi faahou e hiˈo i te feia e anaanatae apî ra i te poroi e o tei tae mai i te Oroa haamanaˈoraa aore ra i te oreroraa parau taa ê, aita râ e apiti roa ra i te amuiraa. Te fa, o te haamataraa ïa i te hoê haapiiraa bibilia e te feia aitâ i farii atura i te tahi. Tiunu: Eaha ta te Bibilia e haapii mau ra? A tutava taa ê i te haamata i te mau haapiiraa bibilia. Tiurai: E ara! aore ra Te faatereraa o te haamau i te Paradaiso.
◼ E haponohia ˈtu te mau tareta iˈoa no te mau tairururaa mataeinaa 2008. Aita e faufaa ia ani mai. Mai te peu e e hinaaro te hoê amuiraa i te tahi â mau tareta iˈoa, e ani ïa oia i nia i te Demande de publications (S-14). E mea tia ia ani i te mau vairaa tareta iˈoa urina no te mau melo o te amuiraa e hinaaro ra.
◼ E faaherehere te mau papai parau o te mau amuiraa i te mau api parau Demande d’admission au service de pionnier permanent (S-205) e Demande d’admission au service de pionnier auxiliaire (S-205b) ia navai maitai. E nehenehe e ani i te reira i nia i te Demande de publications (S-14). E faahereherehia no te hoê aˈe matahiti. Hou a hapono ai i te hoê api parau aniraa no te taviniraa pionie tamau i te amaa, ia papu ia outou e ua faaî-maitai-hia te reira.
◼ Te hinaaro nei te amaa e ia nahonaho maitai te tapura o te mau vahi nohoraa e te mau numera niuniu a te mau tiaau peretiteni e papai parau atoa. Mai te peu e e tupu te hoê tauiraa, e faaî, e tuurima e e hapono oioi atu te tomite tiaauraa a te amuiraa i te api parau Changement d’adresse du surveillant président/secrétaire (S-29) i te amaa ra.
◼ Ia opua outou i te tere atu i te tahi fenua e i te haere i te mau putuputuraa, aore ra i te hoê tairururaa haaati aore ra mataeinaa, e mea tia ia faatae-roa-hia ˈtu ta outou mau aniraa i te mau haamaramaramaraa no nia i te mau taio mahana, te mau hora e te mau vahi nohoraa i te amaa o te tiaau ra i te ohipa i taua fenua ra. Ua papaihia te mau vahi nohoraa o te mau amaa i te api hopea o te Annuaire hopea nei.