Parau faaite

◼ Papai e pûpûhia i Me: Te Pare Tiairaa e te Réveillez-vous! Ia hoˈi outou e farerei i te mau taata i faaite i te anaanatae (te feia iho â râ i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa), a tutava i te haamata i te mau haapiiraa bibilia e o ratou ma te faaohipa i te buka Bibilia haapii. Tiunu: Teie oraraa aita ˈtu anei? aore ra Te ravea e itehia ˈi te oaoa i te utuafare. Tiurai e Atete: E ara! aore ra Te faatereraa o te haamau i te Paradaiso.

◼ E mea tia ia papaihia i nia i te parau moni no te ohipa na te ao nei o te horoahia ˈtu i te tairururaa mataeinaa e o te haponohia ˈtu i te amaa te iˈoa i muri nei: “Association Les Témoins de Jéhovah.” Teie te afata rata o te amaa: B.P. 7715, 98719 Taravao.

◼ E taio faahou te mau tino matahiapo i te rata o 6 no Tiurai 2006 no nia i te faaineineraa i mua i te mau ati natura e ia papu ia ratou e te vai ra ta ratou te tapura numera niuniu e vahi faaearaa i faaapîhia a te taata poro taitahi. I te mau vahi e atihia ˈi, e mea tia ia noaa atoa mai te tapura numera niuniu e vahi faaearaa a te feia e nehenehe e farerei i te taime ru. Parau mau, hau atu â i te mau tupuraa ru, te faaitoitohia ra ia faaara te feia poro i te tiaau o ta ratou haapiiraa buka, aore ra te tahi atu matahiapo, ia reva ratou no te tau faafaaearaa maoro, no te ohipa, ia mau ratou i te fare maˈi aore ra te tahi atu.