Aita anaˈe e taata i te fare
1. Eaha te fifi matauhia ia poro i tera fare i tera fare?
1 I te vahi e rave rahi mea fifi noa ˈtu â ia farerei i te taata i te fare. I teie mau “taime ati rahi,” ua titauhia ia haa e rave rahi ehia hora i te maoro ia noaa noa mai te mau mea faufaa o te oraraa. (Tim. 2, 3:1, MN) Ua haere paha vetahi no te imi aore ra no te haamâuˈa i te moni aore ra no te faaô i roto i te hoê faaanaanataeraa. E nafea ïa tatou e nehenehe ai e faaite i te parau apî maitai i taua mau taata ra?
2. E nafea ia farerei i te taata aita i te fare?
2 A papai maitai: Te taahiraa matamua, o te tapaoraa ïa i te feia aita to te fare. Mea faufaa iho â te reira mai te peu e e rave pinepine oe i ta oe tuhaa fenua. Te tapao ra anei oe i te iˈoa o te aroâ, te numera o te tuhaa fenua, to oe iˈoa, e te taio mahana? E nehenehe atoa oe e vaiiho i te hoê vahi ia nehenehe oe (aore ra te tahi atu taata poro) e tuu atu i te mau manaˈo ia hoˈi mai oe. Ia oti ta oe pororaa, eiaha ia moe i te horoa i te mau nota i te taata tei ia ˈna ra te tuhaa fenua taa ê atu ia farii oia e e rave oe i te mau fare aita e taata. A faaohipa i te hoê api parau taa ê no te papai i te anaanatae i itehia ta oe e haapao atu.
3. Eaha te tahi mau manaˈo tauturu no te farerei i te feia aita i te fare?
3 A tamata i te tahi atu taime: Peneiaˈe to te fare te mau taata to te ohipa ratou i te roaraa o te mahana i te ahiahi aore ra i te hopea hebedoma. E nehenehe anei oe e faanaho i ta oe porotarama no te hoˈi faahou i te hoê taime maitai roa ˈtu â? (Kor. 1, 10:24) Aita anaˈe, no te aha e ore ai e papai aore ra e niuniu i te feia ta oe i ore e farerei. E nehenehe atoa oe e papai aore ra e niuniu i te feia ta oe i ore i farerei. E oaoa paha te feia poro maˈimaˈi ua taotiahia ta ratou ohipa pororaa i tera fare i tera fare i te tauturu ia oe.
4. Eaha te tupuraa e faataa ra i te faufaaraa ia hoˈi faahou i te fare aita e taata?
4 Teie te hoê tupuraa o te faahohoˈa ra i te faufaaraa e tamata i te farerei i te feia aita to te fare. I muri aˈe i to te feia poro hoˈi-faahou-raa i te hoê fare e toru matahiti i te maoro, ua farereihia ˈtura te fatu fare. Ua itehia e ua tiai te vahine i tera taime atoa ia haere atu te hoê Ite no te tamau i te haapiiraa bibilia ta ˈna i haamata hou oia a haere atu ai e faaea i reira.
5. Afea e parauhia ˈi e ua faaoti-roa-hia te hoê tuhaa fenua?
5 E faaoti roa anaˈe te tuhaa fenua: Afea e parauhia ˈi e ua oti te hoê tuhaa fenua? E pinepine i te taime a ravehia ˈi te mau tutavaraa au no te farerei i te taata i te fare taitahi. E tano paha ia vaiiho omoe i te hoê api parau iti aore ra i te hoê vea tahito i te fare aita e taata, i te mau tuhaa fenua iho â râ mea varavara i te porohia. E mea tia ia faaotihia te tuhaa fenua i roto e maha avaˈe. E mea tia ia faaara-oioi-hia te taeae haapao tuhaa fenua a nehenehe atu ai oia e faaapî i ta ˈna mau nota.
6. No te aha e mea tia ˈi ia tamata tatou i te faaite i te parau apî maitai i te taata atoa i roto i ta tatou tuhaa fenua?
6 E hinaaro tatou ia haapii te taata e rave rahi roa ˈˈe ia nehenehe ratou ia tiaoro i te iˈoa o Iehova e ia ora ratou. (Roma 10:13, 14) Te vai ra te feia aita i ǒ ratou ia haere atu tatou i tera fare i tera fare. Mai te aposetolo Paulo, a faariro i te reira ei hinaaro na oe e “faaite hua ˈtu i te evanelia ra i te aroha o te Atua ra.”—Ohi. 20:24.