Eaha ta oe e rave i roto i to oe oraraa?
1 I te tahi mau taime, e uihia i te mau tamarii eaha ta ratou e hinaaro e rave ia paari mai ratou. I to oe tamariiraa ra, ua pahono anei oe e ua hinaaro oe e rave i te ohipa i nia i te mau roro uira, e riro ei tupohe auahi, ei tiaau haaati, aore ra no te mau tamahine, ei vahine ori, ei tuati, ei mitionare? Ua paari oe i teie nei, e mea tia ia uiui oe i te tahi atu uiraa, “Eaha ta ˈu e rave i roto i to ˈu oraraa?” Ua ineine anei outou i te rave i ta outou faaotiraa?
2 No te tauturu ia oe ia rave i te faaotiraa maitai roa ˈˈe, ua faaineine te faanahonahoraa a Iehova i te DVD Les jeunes s’interrogent . . . Que vais-je faire de ma vie? A mataitai atu, e a feruri maitai i te mau mea atoa e vai ra i roto, tae noa ˈtu te darama, te mau uiuiraa manaˈo, e te mau tuhaa hau. To roto te mau tapura tumu parau i te tumu parau tarenihia “Menu principal.”
3 Drama: A mataitai ai oe i te darama, a uiui i teie mau uiraa: (1) Eaha te tuearaa i rotopu ia Timoteo, o tei faahitihia i roto i te mau Papai Heleni Kerisetiano, e o André? (Ohi. 16:1; Tim. 1, 4:8; Tim. 2, 1:5) (2) Mea nafea to André faaheporaahia ia faaaravihi ia ˈna no te haa tuaro, e na vai? (3) O vai tei ohipa maitai i nia ia Timoteo e André, e mea nafea? (Tim. 2, 1:1-4; 3:14, 15) (4) Mea nafea te mau faahitiraa i roto i te Mataio 6:24 e te Philipi 3:8 i te ohiparaa i nia ia André, e e nafea te reira e ohipa ˈi i nia ia oe?
4 Pene: I muri aˈe i te mataitairaa i te darama taatoa, a faatere faahou i te mau hohoˈa i muri iho, e a pahono i teie mau uiraa. “Paulo e o Timoteo”: Eaha te aˈoraa hopea a Paulo ia Timoteo? (Tim. 2, 4:5) “Te horoaraa na Iehova i te mea maitai roa ˈˈe”: Eaha te huru fa pae varua ta oe i haamau? “Te tururaa ia Iehova”: Nohea mai te oaoa mau? “Te aˈoraa a te metua vahine tupuna”: Eaha te ino ia hinaaro e riro ei taata tuiroo i roto i te ao a Satani? (Mat. 4:9) “Aita e tatarahaparaa”: Eaha te itearaa o te nehenehe e tauturu ia oe ia mauruuru i roto i te oraraa?—Mas. 10:22.
5 Uiuiraa manaˈo: A mataitai ai oe i te tuhaa taitahi i muri nei, te ite ra anei oe eaha ta oe e nehenehe e rave no te horoa i te mea maitai roa ˈˈe na Iehova? (1) “Te tapiraa i te mau mea faufaa ore aore ra te taviniraa i te Atua?” (Ioa. 1, 2:17); (2) “Te haapiiraa i te hinaaro i ta oe taviniraa” (Sal. 27:14); e (3) “Te hoê opani iritihia no te taviniraa.”—Mat. 6:33.
6 Haamanaˈoraa: E nehenehe anei ta oe e pahono? (1) Eaha te mau toroa ta te taeae e te tuahine i tapi, e no te aha? (2) Mea nafea to raua manuïaraa? (3) Eaha tei riro ei tauiraa rahi no te taata taitahi? (Kor. 2, 5:15) (4) Eaha te mau toroa teotaratia i mono i to raua toroa i mutaa iho, e mea nafea to raua taaraa e eita ta raua e nehenehe e tapi e piti atoa ra? (5) Te tatarahapa ra anei raua i te tauiraa i ta raua mau fa i roto i to raua oraraa? (6) I roto i ta raua mau parau, eaha tei haaferuri iho â ia oe no nia i te mea e mea tia ia oe ia rave i roto i to oe oraraa?
7 Uiuiraa manaˈo ê atu: Eaha ta teie mau uiuiraa manaˈo i haapii ia oe no nia i te neheneheraa e rave atu â i roto i te taviniraa a Iehova? (1) “Te faufaaraa o te haapiiraa taitahi,” (2) “Te tahi atu mau ravea no te pororaa,” (3) “Te taviniraa i te Betela,” (4) “Te Haapiiraa mitionare no Gileada,” e (5) “Te haapiiraa faaineineraa no te taviniraa.”—A hiˈo faahou i te “Index de publications traitant des sujets abordés,” e a hiˈo i te mau buka no nia i te mau tumu parau ta oe e anaanatae roa ˈˈe.
8 No reira, ua faaoti anei oe eaha ta oe e rave i roto i to oe oraraa? Ua faaitoito Paulo ia Timoteo: “E haamanaˈo papu i teie nei mau parau; o ta oe ïa e rave eiaha e faaea, ia ite te taata atoa i [to oe haereraa i mua].” (Tim. 1, 4:15; MN) Te faaitoito ra matou ia oe ia ohipa ia au i te mea ta oe i ite e i faaroo. A ani ia Iehova ia tauturu ia oe ia rave i te hoê maitiraa paari, te hoê maitiraa o te hopoi mau na oe i te oaoa mau e te mauruuru i roto i te oraraa i teie nei, oia atoa te hoê oraraa oaoa no a muri aˈe.
[Tumu parau tarenihia i te api 6]
MENU PRINCIPAL
Drame
Chapitres (11 sélections)
Interviews
Démarrer
Sections (3 sélections)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran
Malentendants
Aucun
No te haere i roto i te tahi atu mau mea, a taumi i nia Suite ▶, ◀ Retour, e Menu principal.