Haamanaˈoraa no te Amuraa maa a te Fatu

I teie matahiti, e tupu te Oroa haamanaˈoraa i te Monire 2 no Eperera. Ia haapao te mau matahiapo i te mau tuhaa i muri nei e tia ˈi.

◼ E haamauhia te hora o te putuputuraa ia ore te mau taoˈa taipe ia faaterehia na mua ˈˈe i te toparaa mahana.

◼ Ia faaarahia te taatoaraa, e te taeae orero atoa, no nia i te hora e te vahi tia o te oroa e tia ˈi.

◼ E ravehia mai te pane e te uaina e au e ia ineine te reira e tia ˈi.—A hiˈo i Te Pare Tiairaa o te 1 no Mati 2003, api 10-1.

◼ E afaihia mai i te piha te mereti, te hapaina, te hoê airaa maa e te hoê vauvau airaa maa e au, e e faanahohia te reira na mua ˈˈe i te oroa.

◼ E tamâ-maitai-hia na mua ˈˈe te Piha a te Basileia aore ra te tahi atu vahi putuputuraa.

◼ E maiti-oioi-hia te mau taeae no te fariiraa e te mau taeae tuati e e horoa-oioi-hia ia ratou te mau faaueraa no nia i ta ratou tuhaa, e nafea ia rave atu, e te faufaaraa o te ahuraa e o te faaneheneheraa rouru tura.

◼ E ravehia te mau faanahoraa no te afai atu i te mau taoˈa taipe i te mau melo faatavaihia atoa i maˈihia e o te ore e tae mai.

◼ Ia faanahohia hau atu i te hoê amuiraa no te faaohipa i te hoê â Piha a te Basileia, e mea titauhia ia haa maite te mau amuiraa atoa ia ore ia apǐapǐ te tomoraa, te hiti purumu, e te vahi vairaa pereoo.