Parau faaite

◼ Papai e pûpûhia i Fepuare: E haafatata ˈtu ia Iehova. Mai te peu e aita ta outou teie buka, e nehenehe outou e pûpû Adorez Dieu aore ra Tahoêhia i roto i te haamoriraa. Mati: Eaha ta te Bibilia e haapii mau ra? A tutava i te haamata i te mau haapiiraa bibilia. Eperera e Me: Te Pare Tiairaa e te Réveillez-vous! Ia hoˈi outou e farerei i te mau taata i faaite i te anaanatae (te feia iho â râ i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa), a tutava i te haamata i te mau haapiiraa bibilia e o ratou ma te faaohipa i te buka Bibilia haapii.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo ia tauturuhia ratou. E ite outou i te mau manaˈo tauturu i roto i te mau rata matahiti S-201.

◼ Teie te manaˈo tumu o te oreroraa parau taa ê no te taatoaraa o te vauvauhia i te tau o te Oroa haamanaˈoraa 2007 “E nehenehe outou e ite i te panoonoo ore i roto i teie ao arepurepu!” A hiˈo i te parau faaite o Ta tatou taviniraa i te Basileia no Atopa 2006.